“அரிப்பை தீர்த்துக்கொள்ள இது ஒரு நிகழ்ச்சி. மேற்கிந்திய கலாச்சாரத்துக்கு ஏற்ற நிகழ்ச்சி” என பிக்பாஸ் நிகழ்ச்சி குறித்து மன்சூர் அலிகான் கருத்து தெரிவித்துள்ளார்.
தமிழ் சினிமாவின் பிரபல வில்லனான மன்சூர் அலிகானை, படத்தில் டெரர்ராக பார்த்திருப்போம். இவர் நிஜமாகவே ரொம்ப மோசமானவர் என்றும் சிலர் நினைத்திருப்பார்கள். ஆனால், நிஜ வாழ்க்கையில் இவர் அப்படி கிடையாது. வயிறு குலுங்க சிரிக்க வைப்பதில் இவர் வல்லவர். விக்ரம் படத்திற்கு பிறகு ’சக்கு சக்கு வத்திக்குச்சி’ பாடலை கேட்டாலே இவர் நியாபகம்தான் வரும். இவரின் சர்ச்சை நிறைந்த காமெடி பேச்சுகள், பட்டி தொட்டியெங்கும் பரவியது. அதன் பிறகு பல நிகழ்ச்சிகளில் கலந்து கொள்வதை வழக்கமாக வைத்துள்ளார்.
சமீபத்தில், ஒரு தனியார் யூடியூப் சேனலுக்கு பேட்டி கொடுத்துள்ளார். தொகுப்பாளர், பிக்பாஸ் நிகழ்ச்சியை குறித்து கேள்வி கேட்டபோது, அவர் கூறுகையில், ”என்னையும் கூப்பிட்டாங்க.. நான் ஒரு சம்பளம் கேட்டேன். அவர்கள் குடுக்கவில்லை. ஏதோ ஆம்பள வேஷம், பொம்பள வேஷம் போட சொல்லுவாங்கலாம். பாட்டு பாடனுமாம்.. எழுந்துகொள்ளும் போது டான்ஸ் ஆடனுமாம்… சினிமாவில் பண்ணுவதை இதில் பண்ண வேண்டியதுதான். எனக்கு நிறைய சம்பளம் கொடுத்தால் நானும் அங்கு போவேன். அதில் என்ன தப்பு இருக்கிறது. ஒரு ரூமில் பத்து நபர்களை போட்டால் என்ன செய்வாங்க.. அதைதான் நானும் செய்ய போகிறேன். ஆம்பள ஆம்பள வேலையை பாப்பாங்க.. பொம்பள பொம்பள வேலையை பாப்பாங்க. உங்களுக்கு என்ன பிரச்சனை. உங்களால் பார்க்க முடியவில்லை என்றால் வேற சேனலை பாருங்கள். அதையே பாக்கணும் அதையே நோண்டனும்.. ஏன் அப்படி இருக்கீங்க. நான் வருகிறேன் அந்த நிகழ்ச்சிக்கு.
மக்களுக்கு அடி மனசில் ஒரு குணம் இருக்கு. பக்கத்து வீட்டை எட்டி பார்ப்பது, சண்டை நடந்தால் என்ன நடக்குது என்று பார்ப்பது.. குளிச்சிட்டு இருந்தா அதை எட்டிப்பார்ப்பது… இதையெல்லாம் பண்ணுவாங்க. அந்த அரிப்பை தீர்த்துக்கொள்ள இது ஒரு நிகழ்ச்சி. மேற்கிந்திய கலாச்சாரத்துக்கு ஏற்ற நிகழ்ச்சி. உங்களுக்கு என்ன பிரச்சனை அவங்க நடத்திட்டு போறாங்க. அந்த நிகழ்ச்சியை நான் பார்க்கவில்லை தூக்கம் வந்துவிடும்” என்று கூறியுள்ளார். இந்நிலையில், தற்போது இவர் பிக்பாஸ் வீட்டிற்குள் செல்லவுள்ளதாக தகவல்கள் வெளியாகி உள்ளன.
