விஜய் டிவியில் ஒளிபரப்பாகி வரும் பிரபலமான நிகழ்ச்சி பிக்பாஸ். உலகநாயகன் கமல்ஹாசன் தொகுத்து வழங்கி வரும் இந்த நிகழ்ச்சி, இதுவரை 6 சீசன்களை நிறைவு செய்துள்ளது. விரைவில் 7-வது துவங்க இருக்கிறது. இந்நிலையில், இந்த சீசனில் போட்டியாளர்களாக கலந்து கொள்ளப் போவது யார் யார் என்ற எதிர்பார்ப்பு ரசிகர்கள் மத்தியில் அதிகரித்துள்ள நிலையில், சிலரின் பெயர்களும் அடிபட்டு வருகிறது.
ஏற்கனவே, மாகாபா ஆனந்த் உட்பட சிலரின் பெயர்கள் வெளியாகி இருந்த நிலையில், தற்போது திருநங்கை போட்டியாளராக ஷகிலாவின் வளர்ப்பு மகளான மிலா பங்கேற்க இருப்பதாக தகவல் வெளியாகி உள்ளது. அது மட்டுமல்லாமல் செய்தி வாசிப்பாளர் ரஞ்சித் இந்த சீசனில் போட்டியாளர்களின் ஒருவராக இருப்பார் எனவும் தகவல் வெளியாகி உள்ளது. இதற்கு முன்னதாக பிக்பாஸ் நிகழ்ச்சியில் நமீதா மாரிமுத்து மற்றும் ஷிவின் கணேசன் என இரண்டு திருநங்கை போட்டியாளர்கள் பங்கேற்றுள்ளது குறிப்பிடத்தக்கது.
