இயக்குநர் லோகேஷ் கனகராஜ் இயக்கத்தில் விஜய் நடிப்பில் உருவாகி வரும் ‘லியோ’ திரைப்படம் இறுதி கட்டத்தை எட்டியுள்ளது. சமீபத்தில் இப்படத்தில் இடம் பெற்றுள்ள ’நா ரெடிதான் வரியா’ பாடல் வெளியாகி பட்டித் தொட்டி எங்கும் பிரபலமானது. பல பிரபலங்களும் இப்பாடலுக்கு நடனமாடி சோசியல் மீடியா பக்கத்தில் பகிர்ந்து வருகின்றனர்.
லியோ படத்தில் சஞ்சய் தத், கவுதம் மேனன், த்ரிஷா, மன்சூர் அலி கான், அர்ஜுன் எனப் பல பிரபலங்கள் நடித்து வருகின்றனர். இந்நிலையில், லியோ படத்தில் பாலிவுட் சினிமாவின் பிரபல இயக்குநர் அனுராக் காஷ்யப் இணைந்துள்ளதாக தகவல் வெளியாகி உள்ளது. இவர் இதற்கு முன்பு தமிழில் இமைக்க நொடிகள் படத்தில் மிரட்டல் வில்லனாக நடித்திருந்தது குறிப்பிடத்தக்கது.
