ரஜினிகாந்த் நடிப்பில் நெல்சன் இயக்கத்தில் இன்று வெளியாகியிருக்கிறது ஜெயிலர் திரைப்படம். இப்படத்தில் மோகன் லால், சிவராஜ்குமார், சுனில், ஜாக்கி ஷெராஃப், வசந்த் ரவி உள்ளிட்டோர் நடித்துள்ளனர். பீஸ்ட் படத்தில் வாங்கிய அடியை ஜெயிலர் மூலம் திருப்பி கொடுக்க வேண்டுமென நெல்சனும், 2 படங்களில் சறுக்கியதை இதன் மூலம் சரி செய்ய வேண்டும் என்ற தீவிரத்தில் ரஜினிகாந்த்தும் பணியாற்றியிருக்கின்றனர்.
இந்நிலையில், படத்தை திரையரங்குகளில் ரசிகர்கள் கொண்டாடி வரும் நிலையில், நடிகர் கூல் சுரேஷ் பாவாடையுடன் செய்தியாளர்களை சந்தித்தார். அப்போது பேசிய அவர், ”என் தங்கச்சி தமன்னா கிழிந்த பாவாடை அணிந்திருக்காங்க. எல்லோரும் அந்த பாட்டை பார்த்தீங்க. ஆனா அதனை தைத்துத் தரணும்னு யாருக்கும் தெரியல. அவருக்கு கிழிந்துபோன பாவாடையை தைத்து எடுத்து வந்திருக்கிறேன்” என்றார்.