நகைச்சுவை நடிகர் சதீஷ் நடித்து வரும் ‘வித்தைக்காரன்’ படத்தின் மோஷன் போஸ்டரை இயக்குனர் லோகேஷ் கனகராஜ் ட்விட்டர் வெளியிட்டு வாழ்த்துக்களை தெரிவித்துள்ளார்.
தமிழ் திரையுலகில் முன்னணி காமெடி நடிகர்களில் ஒருவராக இருப்பவர் நடிகர் சதீஷ். இவர் கடந்த ஆண்டு ’நாய் சேகர்’ என்ற திரைப்படத்தில் ஹீரோவாக நடித்திருந்த நிலையில், தற்போது மீண்டும் ’வித்தைக்காரன்’ என்கிற படத்தில் ஹீரோவாக நடித்து வருகிறார். கடந்த ஜனவரி 18ஆம் தேதி பூஜையுடன் தொடங்கப்பட்ட இத்திரைப்படத்தை அருள்நிதி நடித்த தேஜாவு படத்தை தயாரித்த ஒயிட் கார்பெட் பிலிம்ஸ் நிறுவனம் தயாரித்துள்ளது.
மேலும் இயக்குனர் லோகேஷ் கனகராஜிடம் இணை இயக்குனராக பணியாற்றிய வெங்கி இயக்கியுள்ள இப்படத்தில் சதீஷுடன் சிம்ரன் குப்தா, ஆனந்தராஜ், சுப்ரமணியம் சிவா, மதுசூதன், ஜான் விஜய், ஜப்பான் குமார் உள்ளிட்டோர் நடித்துள்ளனர். இப்படத்திற்கு விபிஆர் இசையமைக்க, ஒளிப்பதிவு பணியை யுவ கார்த்திக்கும், படத்தொகுப்பு வேலைகளை அருள் இ சித்தார்த்தும் செய்து வருகின்றனர். அவரது முதல் படம் மிகப்பெரிய வெற்றி பெற நான் வாழ்த்துவதோடு, சதீஷ் மற்றும் ஒட்டுமொத்த படக்குழுவுக்கும் என்னுடைய வாழ்த்துக்களை தெரிவித்துக் கொள்வதாக லோகேஷ் குறிப்பிட்டுள்ளார்.