தீபாவளியை முன்னிட்டு வெளியான திரைப்படங்களில் ஒன்று, நடிகர் சிவகார்த்திகேயன் நடிப்பில் வெளியான ‘அமரன்’. தமிழகத்தைச் சேர்ந்த மேஜர் முகுந்த் வரதராஜனின் வாழ்க்கையை தழுவி எடுக்கப்பட்ட இந்த படத்தை, இயக்குனர் ராஜ்குமார் பெரியசாமி இயக்கி இருந்த நிலையில், உலக நாயகன் கமலஹாசன் ராஜ்கமல் பிலிம்ஸ் இன்டர்நேஷனல் சார்பில் தயாரித்திருந்தார். ரஜினிகாந்த், சூர்யா, ஜோதிகா, சிம்பு, அனிருத் உள்ளிட்ட திரைப் பிரபலங்கள் பலரும் படத்தைப் பாராட்டி இருந்தனர். ரசிகர்களின் மத்தியில் நல்ல வரவேற்ப்பை பெற்ற இந்த படம், சுமார் 200 கோடிக்கு வசூல் செய்துள்ளது. இந்த படத்தின் கதை, நடிப்பு ஆகியவை தாண்டி இசையமைப்பாளர் ஜிவி பிரகாஷின் இசை இந்த படத்தில் முக்கிய பங்கு வகிக்கிறது.
அதிலும் குறிப்பாக, குறிப்பாக ‘ஹே மின்னலே’ பாடல் யூடியூபில் 1 கோடிக்கும் அதிகமான பார்வைகளை கடந்திருக்கிறது. இந்நிலையில் சிவகார்த்திகேயன் ஜி.வி பிரகாஷை கவ்ரவிக்கும் விதமாக நடிகர் சிவகார்த்திகேயன் TAG Heuer என்கிற நிறுவனத்தின் வாட்ச் ஒன்றை பரிசாக வழங்கி உள்ளார். இந்த வாட்ச், சுமார் 1 லட்சத்திற்கு மேல் இருக்கும் என கூறப்படுகிறது. இதனை ஜி.வி தனது எக்ஸ் தளத்தில் பகிர்ந்து சிவகார்த்திகேயனுக்கு நன்றி தெரிவித்திருக்கிறார். அந்தப் பதிவில், ” அமரன் வெற்றிக்கு இனிய பரிசு கொடுத்ததற்கு நன்றி சிவகார்த்திகேயன்” என்றிருந்தது.
Read more: மீனா காதலித்து கழட்டி விட்ட நடிகர் இவர் தான். இது தான் காரணமாம்…
