பொன்னியின் செல்வன் 2 திரைப்படம் நாளை திரையரங்குகளில் பிரம்மாண்டமாக ரிலீஸ் ஆக உள்ளது. அப்படத்தின் புரமோஷனுக்காக கடந்த 10 நாட்களாக நாடு முழுவதும் சுற்றிவந்த படக்குழு, இன்று சென்னையில் நடைபெற்ற பிரஸ்மீட் மூலம் அதனை முடித்துள்ளது. இந்த பிரஸ்மீட்டில் படத்தில் நடித்த ஏராளமான நடிகர்கள் கலந்துகொண்டு பேசினர். குறிப்பாக பார்த்திபன் பேசிய பேச்சு தற்போது வைரலாகி வருகிறது. அவர் பேசுகையில், “மணிரத்னத்தின் அசிஸ்டண்ட் வந்து பொன்னியின் செல்வன் 1 படத்தின் புரமோஷனின் போது நீங்கள் பேசியது செம்ம வைரலா போச்சு. அந்த மாதிரி ஒரு பிட்ட இப்ப எடுத்து விடுங்கனு சொன்னாங்க. அவர் வைரலா வேணும்னு சொன்னதும் எனக்கு தோன்றியது ஐடி ரெய்டு தான். ஸ்கொயரா சொல்லல, ரவுண்டாவே சொல்றேன். நாளைல இருந்து ஒரு ஆயிரம் கோடி ரூபாய் எங்கையாவது ரெய்டு பண்ணனும்னு தோணுச்சுனா, பொன்னியின் செல்வன் 2 திரையிடப்படும் திரையரங்குகளுக்கு போங்க.
கண்டிப்பாக இந்த வாரத்தில் ரூ.1000 கோடி வசூலை அள்ளும் ஒரு படமாக பொன்னியின் செல்வன் இருக்கும். மணி சார் இந்த படத்துக்காக எவ்வளவு உழைப்பை கொட்டி இருக்கிறார் என்பதைவிட, இந்த படத்தின் புரமோஷனுக்காக நிறைய வார்த்தைகளை கொட்டியிருக்கிறார். அவர் இவ்வளவு பேசி யாருமே பார்த்திருக்க மாட்டாங்க. ஏன் சுஹாசினியே பார்த்திருக்க மாட்டாங்க. சில பேர் ஸ்டைல் பண்ணா மயிரு மாதிரி இருக்கும். ஆனா விக்ரம் மயிர வச்சிட்டே இவ்ளோ ஸ்டைல் பண்றாரு. வெறும் ஒரு குடுமிய வச்சிகிட்டு இப்படியெல்லாம் பண்றாரு. மயிருங்கிறது தூய தமிழ், இதை நாம தான் கெட்ட வார்த்தை என சொல்லிக்கொள்கிறோம். தங்களால் முடிஞ்ச ஒரு ஸ்டைல தங்கலான் மூலமா செஞ்சிருக்கீங்க உங்களுக்கு வாழ்த்துக்கள்” என்று தெரிவித்தார்.
