தமிழகத்தில் குழந்தைகள் முதல் பெரியவர் வரை அனைவருக்கும் பிடித்த, முக்கிய பொழுதுபோக்கு சேனல் ஒன்றை விரைவில் நிறுத்த சன் குழுமம் திட்டமிட்டுள்ளதாக தகவல் வெளியாகி உள்ளது.
தமிழகத்தில் சீரியல்கள் என்றாலே, அது சன் டிவி தான். அதேபோல் ரியாலிட்டி ஷோ என்றால் விஜய் டிவி. இப்படி ஒவ்வொரு சேனலும், ஒரு தனித்துவ இடத்தை மக்கள் மத்தியில் பெற்றுள்ளது. அந்த வகையில் சன் குழுமத்தின் மூலம் ஒளிபரப்பாகும் ஆதித்யா, சன் நியூஸ், கே டிவி, சுட்டி டிவி, சிரிப்பொலி, கலைஞர், சன் டிவி, சன் மியூசிக் , இசையருவி, முரசொலி, சன் லைப் உள்ளிட்ட அனைத்து சேனல்களும், மக்கள் மத்தியில் தனி இடத்தை பிடித்துள்ளது.
இந்நிலையில், குழந்தைகளின் ஃபேவரைட் சேனலான சுட்டி டிவியில் குழந்தைகளுக்கு பிடித்தமான டோராவின் பயணங்கள் உள்ளிட்ட பல நிகழ்ச்சிகளை ஒளிபரப்பாகி வந்தது. இந்த சுட்டி டிவி இருப்பதினால் பெற்றோர்களும் டிவியை ஆன் செய்து விட்டு தங்களுடைய வேலைகளை செய்து வந்தனர். அப்படி என்னவோ குழந்தைகளுக்கு சுட்டி டிவி சேனல் மிகவும் பிடித்தமான ஒன்றாக மாறிவிட்டது.
இந்நிலையில், சுட்டி டிவி ஒளிபரப்பை விரைவில் நிறுத்த சன் குழுமம் முடிவு செய்துள்ளதாக தகவல் வெளியாகியுள்ளது. மக்களிடம் வரவேற்பு குறைந்து வருவதால், இதே போன்று குச்சு டிவி, குஷி டிவி, சிண்டு டிவி போன்ற தொலைக்காட்சிகளையும் நிறுத்த உள்ளதாக கூறப்படுகிறது.
