நடிகர் ரஜினிகாந்தின் 171-வது படம் குறித்தான அறிவிப்பு வெளியாகியுள்ளது. நடிகர் ரஜினிகாந்தின் ‘ஜெயிலர்’, ‘லால்சலாம்’ படத்திற்கு பிறகு தனது 170-வது படத்தை ‘ஜெய்பீம்’ திரைப்படத்தை இயக்கிய ஞானவேல் இயக்குகிறார். இதனை அடுத்து ரஜினியின் 171-வது படத்தை லோகேஷ் கனகராஜ் இயக்க இருக்கிறார் எனத் தகவல் வெளியானது.
இந்நிலையில், இது குறித்தான அதிகாரப்பூர்வ அறிவிப்பு தற்போது வெளியாகியுள்ளது. ’ஜெயிலர்’ படத்தின் வெற்றிக்குப் பிறகு சன் பிக்சர்ஸ் நிறுவனம் மீண்டும் ரஜினிகாந்த்துடன் இணைகிறது. அனிருத் இசையில் லோகேஷ் கனகராஜ் இந்தப் படத்தை இயக்குகிறார். ஆக்ஷன் காட்சிகளை அன்பறிவு செய்கிறார்கள். படத்தின் மற்ற தொழில்நுட்பக் குழு மற்றும் பிற நடிகர்களின் விவரங்கள் அடுத்தடுத்து வெளியாக உள்ளது குறிப்பிடத்தக்கது.
