இயக்குநர் திருச்செல்வம் இயக்கத்தில், சன் டிவியில் ஒளிபரப்பாகி வரும் எதிர்நீச்சல் சீரியலுக்கு மிகப்பெரிய ரசிகர்கள் பட்டாளமே உள்ளது. ஆணாதிக்கத்துக்கு எதிராக பெண்கள் தைரியமாக போராட வேண்டும் என்கிற கருத்தை மையமாக வைத்து இந்த சீரியல் ஒளிபரப்பப்பட்டு வருகிறது. ஒவ்வொரு வாரமும், டிஆர்பி-யில் டப் கொடுத்து வரும் ‘எதிர்நீச்சல்’ சீரியலில் இருந்து, தற்போது முக்கிய பிரபலம் ஒருவர் வெளியேறியுள்ளது மட்டுமின்றி, அவரின் கதாபாத்திரம் இனி சீரியலில் இடம்பெறாது என்று கூறப்படுகிறது.
அதாவது, ஜனனியின் மாமன் மகளாக வாசுகி என்கிற கதாபாத்திரத்தில் நடித்து வந்தவர் தான் வைஷ்ணவி. துறுதுறுப்பான மற்றும் தைரியமான பெண்ணாக இவர் ஏற்று நடித்த கதாபாத்திரம் ரசிகர்களை வெகுவாக கவர்ந்தது. தற்போது இவர், சன் டிவியில் ஒளிபரப்பாகி வரும் புதுவசந்தம் சீரியலில் முக்கிய கதாபாத்திரத்தில் நடித்து வருவதால், எதிர்நீச்சல் சீரியலில் இருந்து விலகியதாக கூறப்படுகிறது.
மேலும் தற்போது ஒளிபரப்பாகி வரும் ‘எதிர்நீச்சல்’ சீரியல் கதைக்களத்திற்கு இவருடைய கதாபாத்திரம் பயன்படாத காரணத்தால், இவரை சீரியலில் இருந்து முழுவதுமாக நீக்கிவிட்டதாகவும் கூறப்படுகிறது. இந்த தகவல் தற்போது இணையத்தில் வைரலாகி ரசிகர்களை அதிர்ச்சியடைய வைத்துள்ளது.
