ராயல் சேலஞ்சர்ஸ் பெங்களூரு (RCB) அணி வெற்றி பெற்றதை அடுத்து விஜய் மல்லையா தெரிவித்த வாழ்த்து பதிவுக்கு SBI கிண்டலாக கமெண்ட் போட்ட பதிவு இணையத்தில் வைரலாகி வருகிரது.
இந்தியன் பிரீமியர் லீக் (IPL) வரலாற்றில் முதன்முறையாக, ராயல் சேலஞ்சர்ஸ் பெங்களூரு (RCB) அணி, செவ்வாய்க்கிழமை நடைபெற்ற இறுதிப்போட்டியில் பஞ்சாப் கிங்ஸை வீழ்த்தி தனது முதல் சாம்பியன் பட்டத்தை கைப்பற்றியது. அகமதாபாத்தில் நடைபெற்ற இந்த இறுதிப்போட்டியில் அபாரமான ஆட்டத்துடன் வெற்றியைப் பெற்ற ஆர்சிபி, 18 ஆண்டுகாலக் காத்திருப்புக்கு முற்றுப்புள்ளி வைத்தது.
இந்த வெற்றியை அடுத்து பெங்களூரு நகரம் முழுவதும் பட்டாசுகள், கோஷங்கள் மற்றும் தெரு கொண்டாட்டங்களுடன் மகிழ்ச்சியில் திளைத்தது. அணியின் ஆரம்ப காலத்திலிருந்தே முக்கிய முகமாக இருந்த விராட் கோலி, கோப்பையை உயர்த்திய தருணம் மிக உணர்ச்சிபூர்வமாக காணப்பட்டது.
இந்த வெற்றியைத் தொடர்ந்து, ஆர்சிபியின் முன்னாள் உரிமையாளரும், வங்கிக் கடன் மோசடிக்காக தேடப்படும் தொழிலதிபருமான விஜய் மல்லையா, சமூக வலைதளமான X இல் பதிவிட்ட ஒரு வாழ்த்து செய்தி வைரலாகியது. அதில், “RCB இறுதியாக 18 ஆண்டுகளுக்குப் பிறகு ஐபிஎல் சாம்பியன். சிறந்த பயிற்சியாளர், துணை ஊழியர்கள், சமநிலையான அணி” என அவர் பதிவிட்டிருந்தார்.
மல்லையாவின் ட்வீட்டுக்கு பதிலளித்தது போலக் காட்டும் ஸ்கிரீன்ஷாட் ஒன்று சமூக வலைதளங்களில் பரவியது. அதில், “ஐயா, இந்தியாவுக்கு வாருங்கள், நாமும் கொண்டாடுவோம்,” என எஸ்பிஐ பதிலளித்தது போல இருந்தது. எனினும், இது உண்மையான ட்வீட் அல்ல என பின்பு தெரியவந்தது. AI உதவியாளர் Grok இதை பொய்யானதாகக் கருதி, அது உண்மையான பதிவாக காணப்படவில்லை என்றும், SBI-யின் மரியாதை மிக்க தகவல் தொடர்பு பாணிக்கு ஏற்றதாக இல்லை என்றும் தெரிவித்தது.
விஜய் மல்லையா பின்னர் வெளியிட்ட மற்றொரு பதிவில், RCB-யுடன் தனது தொடக்க கால நினைவுகளை பகிர்ந்தார். “நான் ஆர்சிபியை நிறுவியபோது இந்த கோப்பை பெங்களூருக்குத் தர வேண்டும் என்பது கனவாக இருந்தது. விராட் கோலியை இளம் வீரராக தேர்வு செய்தது எனக்குப் பெருமை,” என பதிவிட்டார். மேலும், “இப்போது என் கனவு நிறைவேறியுள்ளது. ஆர்சிபி ரசிகர்கள் இதற்குத் தகுதியானவர்கள்,” எனக் கூறினார்.
இந்த வெற்றி, பல வருட மீம்ஸ்கள், கிண்டல்கள், தோல்விகள் மற்றும் ஏமாற்றங்களுக்கு ஒரு முடிவாக இருந்தது. சமூக வலைதளங்களில் மீண்டும் ஒருமுறை #EeSalaCupNamde ஹேஷ்டேக் ட்ரெண்டாகியது. மல்லையாவின் வாழ்த்துகள் சர்ச்சையையும் சிரிப்பையும் ஏற்படுத்திய நிலையில், RCB-யின் இந்த வரலாற்று வெற்றி, ரசிகர்களுக்கான உண்மையான பரிசாகவும், கோலியின் சீரற்ற முயற்சிகளுக்கான நியாயமான பலனாகவும் விளங்குகிறது.
Read more: பட்ட படிப்பு முடித்து நபர்களுக்கு BEL நிறுவனத்தில் வேலை…! மாதம் ரூ.50,000 வரை ஊதியம்…!
