இந்தியா முழுவதும் இருமல் சிரப்புகள் விற்பனை முறையில் பெரிய மாற்றம் செய்ய அரசு பரிசீலனை செய்து வருகிறது. அண்மையில், சில நாடுகளில் கெட்டுப்போன (contaminated) இருமல் சிரப்புகள் காரணமாக குழந்தைகள் உயிரிழந்த சம்பவங்கள் தொடர்ச்சியாக நடந்ததால், இப்போது இந்த சிரப்புகளை மருத்துவரின் பரிந்துரையில்லாமல் (over the counter) விற்க வேண்டுமா என்பது மத்திய அரசு மறுபரிசீலனை செய்கிறது.
இந்த பரிந்துரை Drugs Consultative Committee (DCC)-க்கு சமர்ப்பிக்கப்பட்டுள்ளது. இதில் முக்கியமாக கூறப்பட்டுள்ளது: இருமல் சிரப்புகளை தற்போது உள்ள Schedule K வரிசையிலிருந்து நீக்க வேண்டும். Schedule K என்பது மருந்து விற்பனை உரிமம் (drug-sale licence) இல்லாமல் விற்க அனுமதிக்கப்பட்ட மருந்துகளின் பட்டியல். இந்த மாற்றம் செய்யப்பட்டால், பொதுவாக வாங்கும் சாதாரண இருமல் சிரப்புகளையும் எதிர்காலத்தில் மருத்துவரின் பரிந்துரையுடன் மட்டுமே வாங்க முடியும். அதாவது, இருமல் வந்தால் நேரடியாக மருந்துக் கடையில் போய் இருமல் சிரப் வாங்கும் நடைமுறை மாற்றப்பட வாய்ப்புள்ளது
மத்திய அரசு வழங்கிய பரிந்துரையில் “கழிவு கலந்த இருமல் சிரப்புகள் காரணமாக சமீபத்தில் ஏற்பட்ட சம்பவங்கள்” என்று தெளிவாக குறிப்பிடப்பட்டுள்ளது. இந்த சம்பவங்களில் பலவற்றில், குழந்தைகள் குடித்த இருமல் சிரப்புகளில் பாதகமான இரசாயனங்கள் இருந்ததால், விஷத்தன்மை மற்றும் கிட்னி சேதம் ஏற்பட்டது.
அவற்றில் முக்கியமான ஒன்று ஒரு மாதத்திற்கு முன்பு மத்திய பிரதேசத்தில் நடந்தது.
அம்மாநிலத்தில் விற்கப்பட்ட இருமல் சிரப்பில் அனுமதிக்கப்பட்ட அளவுக்கு மிஞ்சி இருந்த டையெத்திலீன் க்ளைகால் (Diethylene Glycol) என்ற இரசாயனம் காரணமாக சில குழந்தைகள் இறந்ததாக கூறப்பட்டது. இந்த இரசாயனம் மிகச் சிறிய அளவில்கூட உயிருக்கு ஆபத்தாக மாறக்கூடியது.
இந்தச் சம்பவம் பெற்றோர்களிடையே பெரும் பதட்டத்தை ஏற்படுத்தியது, இதன் காரணமாக கெட்டுப்போன இருமல் சிரப் தொகுதி (contaminated batch) சந்தையிலிருந்து திரும்பப் பெறப்பட்டது. இதற்குப் பிறகு, உலக சுகாதார அமைப்பு (WHO) எச்சரிக்கை வெளியிட்டு, கட்டுப்பாடற்ற முறையில் விற்கப்படும் சிரப்புகள் கடுமையான ஆரோக்கிய அபாயத்தை ஏற்படுத்தலாம் என்று தெரிவித்தது.
இந்த மாதிரியான சம்பவங்கள் தொடர்ந்து இடம்பெறுவதால், குறிப்பாக சிறு குழந்தைகளுக்குக் கொடுக்கப்படும் திரவ மருந்துகளின் (liquid medicines) பாதுகாப்பு குறித்து மிகுந்த கவலை எழுந்துள்ளது.
தற்போது, இருமல் சிரப்புகள் (cough syrups) Schedule K என்ற பிரிவில் உள்ளன. இது பொதுவாக தினசரி பயன்பாட்டிற்கு பாதுகாப்பானவை என்று கருதப்படும் மருந்துகளுக்கான பட்டியல். இந்தப் பட்டியலில் உள்ள பொருட்கள் மருந்தகம் உரிமம் இல்லாவிட்டாலும் விற்க அனுமதி உண்டு. இதனால் தொலைதூர கிராமங்களிலும் அடிப்படை மருந்துகள் எளிதாக கிடைக்கின்றன.
Schedule K-யில் உள்ள பொதுவான மருந்துகள்
பராசிட்டமால் மற்றும் அஸ்பிரின் மாத்திரைகள்
பாம்கள் (balms)
ஆண்டாசிட் மருந்துகள் (antacids)
மூக்கடைப்புக்கு inhalers
குழந்தைகளுக்கான gripe water
இருமல் சிரப், லோசன்ஜுகள் (lozenges), இருமல் மாத்திரைகள் (tablets) — இவை அனைத்தும் அசலான முத்திரையிட்ட (sealed) பாக்கெட்டில் விற்கப்படும்போது மட்டும்
புதிய மாற்றம் என்ன சொல்கிறது?
புதிய முன்மொழிவு இருமல் சிரப்புகளை மட்டும் Schedule K-இல் இருந்து நீக்க வேண்டும் என்று குறிப்பிடுகிறது. லோசன்ஜ்கள், இருமல் மாத்திரைகள் (cough tablets) பற்றி எந்த மாற்றமும் முன்மொழிவில் இல்லை. எனவே இவை தொடர்ந்து எளிதில் வாங்கக்கூடியவையாகவே (பிரிஸ்கிரிப்ஷன் இல்லாமல்) இருக்கலாம் என்று கூறப்படுகிறது.
Read More : டைப் 1, டைப் 2 நீரிழிவு நோய் என்றால் என்ன? இந்த இரண்டில் எது மிகவும் ஆபத்தானது?
