இப்போதெல்லாம் அதிக எடை பிரச்சனையால் பாதிக்கப்படுபவர்கள் எண்ணிக்கை நாளுக்கு நாள் அதிகரித்து வருகிறது. குறிப்பாக, உடல் எடையை விட தொப்பை கொழுப்பு பலருக்கும் பெரிய சவாலாக மாறியுள்ளது. பலர் தொடர்ந்து உடற்பயிற்சி செய்து, கடினமாக உழைத்தாலும் உடல் எடை ஓரளவு குறைகிறது. ஆனால், வயிற்றுப் பகுதியில் சேர்ந்துள்ள கொழுப்பு மட்டும் குறையவில்லை என்று பலரும் கூறுகிறார்கள். இதற்கு காரணம், தொப்பை பகுதியில் தேங்கும் கொழுப்பு மிகவும் பிடிவாதமானதாக இருப்பதுதான் என்று நிபுணர்கள் கூறுகின்றனர்.
ஒரு மாதம் தொடர்ந்து ஒரு குறிப்பிட்ட பானத்தை குடிப்பதன் மூலம் தொப்பை கொழுப்பை கரைக்க முடியும் என்று நிபுணர்கள் கூறுகின்றனர். இந்த பானம் உடலின் மெட்டபாலிசத்தை தூண்டும் வகையில் செயல்பட்டு, வயிற்றுப் பகுதியில் தேங்கியுள்ள கொழுப்பை மெதுவாக கரைக்க உதவுகிறது என கூறப்படுகிறது. அதே நேரத்தில், இந்த பானம் மட்டும் போதுமானது அல்ல. சீரான உணவு பழக்கம், போதிய தூக்கம் மற்றும் தினசரி லேசான உடற்பயிற்சி ஆகியவை இணைந்தால்தான் சிறந்த பலன் கிடைக்கும் என சுகாதார நிபுணர்கள் அறிவுறுத்துகின்றனர்.
அது வேற ஒன்றுமில்லை வெள்ளரிக்காய் தான். தொடர்ந்து வெள்ளரிக்காய் ஜூஸ் குடித்தால், உடல் எடை குறைவதோடு மட்டுமல்லாமல், பலரைப் பெரிதும் தொந்தரவு செய்யும் தொப்பை கொழுப்பையும் கரைக்க உதவும் என்று ஊட்டச்சத்து நிபுணர்கள் கூறுகின்றனர். வெள்ளரிக்காய் கலோரிகள் குறைவாகவும், நீர்ச்சத்து அதிகமாகவும் உள்ள ஒரு சிறந்த காய்கறி. இது உடலில் சேரும் கூடுதல் நீரை வெளியேற்ற உதவுவதோடு, மெட்டபாலிசத்தை தூண்டி, வயிற்றுப் பகுதியில் தேங்கியுள்ள கொழுப்பை மெதுவாகக் குறைக்க உதவுகிறது.
வெள்ளரிக்காய் ஜூஸ் தயாரிக்கும் முறை:
தேவையான பொருட்கள்:
- அரை வெள்ளரிக்காய்
- அரை அங்குலம் இஞ்சி
- சில புதினா இலைகள்
- ஒரு சிட்டிகை மஞ்சள் தூள்
- ஒரு டீஸ்பூன் சப்ஜா விதைகள்
- சிறிதளவு கொத்தமல்லி
- சிறிதளவு இலவங்கப்பட்டை தூள்
- தேவையான அளவு தண்ணீர்
சப்ஜா விதைகளைத் தவிர மேலே கூறிய அனைத்து பொருட்களையும் மிக்ஸியில் சேர்த்து நன்றாக அரைத்துக் கொள்ள வேண்டும். பின்னர் வடிகட்டி, காலை நேரத்தில் வெறும் வயிற்றில் குடிக்கலாம். இந்த ஜூஸை ஒரு மாதம் தொடர்ந்து குடித்து வந்தால், உடல் சுறுசுறுப்பாக இருப்பதுடன், தொப்பை கொழுப்பு படிப்படியாகக் குறைவதை உணர முடியும். அதே நேரத்தில், சீரான உணவு பழக்கம் மற்றும் லேசான உடற்பயிற்சியுடன் இணைத்தால், பலன் இன்னும் சிறப்பாக இருக்கும் என கூறப்படுகிறது.
வெள்ளரிக்காய் நம் உடலின் நீர் தக்கவைப்புத் திறனை நிறுத்துகிறது. இது எளிதில் எடை குறைக்க உதவுகிறது. மேலும் வயிற்றில் உள்ள கொழுப்பை மெதுவாகக் கரைக்கிறது. கொத்தமல்லி ஆக்ஸிஜனேற்றிகள் நிறைந்தது. இவை நம் உடலில் இருந்து நச்சுகளை வெளியேற்ற உதவுகின்றன. இது தொப்பை கொழுப்பை எரிக்கவும் உதவுகிறது. இந்த ஜூஸை ஒரு மாதத்திற்கு தொடர்ந்து குடிக்க வேண்டும். இருப்பினும்.. இந்த ஜூஸை குடிப்பதோடு.. குறைந்தபட்ச உடற்பயிற்சியையும் தவறாமல் செய்ய வேண்டும். அப்போதுதான் உங்களுக்கு பலன் கிடைக்கும்.
Read more: என்.டி.ஏ கூட்டணியில் தவெக இணையுமா..? ட்விஸ்ட் வைத்து பேசிய செங்கோட்டையன்..!
