மத்திய அரசு ஊழியர்கள் மற்றும் ஓய்வூதியதாரர்களுக்கான அகவிலைப்படி (டிஏ) உயர்வு குறித்த ஒரு குட்நியூஸ் வெளியாகி உள்ளது.. சமீபத்திய தகவல்களின்படி, அகவிலைப்படியில் 3% அதிகரிக்கப்பட வாய்ப்புள்ளதாக தகவல்கள் தெரிவிக்கின்றன.. இதனால் தற்போதைய அகவிலைப்படி 55% இலிருந்து 58% ஆக அதிகரிக்கும். இந்த மாற்றம் AICPI (அகில இந்திய நுகர்வோர் விலை குறியீடு) அடிப்படையில் கணக்கிடப்படும். விதிகளின்படி, இந்த அதிகரிப்பு ஜூலை 1, 2025 முதல் அமலுக்கு வரும்.
ஒவ்வொரு ஆண்டும், நாடு முழுவதும் ஒரு கோடிக்கும் மேற்பட்ட மத்திய அரசு ஊழியர்கள் மற்றும் ஓய்வூதியதாரர்கள் அகவிலைப்படி உயர்வு அறிவிப்பை ஆவலுடன் எதிர்பார்க்கிறார்கள். குறிப்பாக பண்டிகை காலம் வரும்போது, செய்தித்தாள்கள் மற்றும் செய்தி வலைத்தளங்களில் அகவிலைப்படி உயர்வு குறித்த செய்திகளும் வெளியான வண்ணம் உள்ளன.. இந்த முறையும் அரசு ஊழியர்கள், அகவிலைப்படி உயர்வு தொடர்பான அறிவிப்புக்காக ஆர்வமுடன் காத்திருக்கின்றனர்.. அனைவரின் எதிர்பார்ப்புகளுக்கும் முற்றுப்புள்ளி வைத்து, இந்த முறை அகவிலைப்படியில் 3% அதிகரிப்பு இறுதி செய்யப்பட உள்ளதாக தகவல் வெளியாகியுள்ளது.
ஜூலை 2025க்கான வெளியிடப்பட்ட ஏஐசிபிஐ குறியீட்டு புள்ளிவிவரங்கள் இந்த அதிகரிப்புக்கு வலுவான அடிப்படையை வழங்கின. ஜனவரி முதல் ஜூன் 2025 வரை, குறியீட்டு எண்கள் படிப்படியாக அதிகரித்து இறுதியாக ஜூன் மாதத்தில் 58.18% ஐ எட்டின. இருப்பினும், விதிகளின்படி தசமங்கள் கணக்கில் எடுத்துக்கொள்ளப்படாததால், அகவிலைப்படி இறுதியாக 58% ஆக இருந்தது. இது தற்போதைய 55% ஐ விட 3% அதிகம்.
2025 அக்டோபரில் நடைபெறும் அமைச்சரவைக் கூட்டத்தில் அரசாங்கம் இதை அங்கீகரிக்கும். ஊழியர்களுக்கு தீபாவளி பரிசாக இது அறிவிக்கப்படுவதற்கான வாய்ப்புகள் அதிகம். ஒப்புதல் கிடைத்தவுடன் அதிகாரப்பூர்வ அறிவிப்பு வெளியிடப்படும் என்று நம்பகமான வட்டார தகவல்கள் தெரிவிக்கின்றன..
அறிவிப்பு தாமதமாக வந்தாலும், இந்த அதிகரிப்பு ஜூலை 1, 2025 முதல் அமலுக்கு வரும். அதாவது, ஜூலை, ஆகஸ்ட் மற்றும் செப்டம்பர் மாதங்களுக்கான அகவிலைப்படி வேறுபாடுகள் ஊழியர்களின் கணக்குகளில் நிலுவைத் தொகையாக வரவு வைக்கப்படும். ஒருவேளை அக்டோபரும் சேர்க்கப்படலாம். இதன் விளைவாக ஊழியர்களின் கணக்குகளில் ஒரே நேரத்தில் அதிக அளவு கூடுதல் பணம் சேர்க்கப்படும்.
3% அதிகரிப்பு – சம்பளத்தில் தாக்கம்
டிஏ அதிகரிப்பு சம்பளத்தை எவ்வாறு பாதிக்கிறது என்பதற்கான உதாரணத்தைப் பார்ப்போம்:
ரூ.18,000 அடிப்படை சம்பளம் உள்ள ஒரு ஊழியர்:
தற்போதைய டிஏ (55%) = ₹9,900
புதிய டிஏ (58%) = ₹10,440
மாதாந்திர அதிகரிப்பு = ₹540
ஆண்டு கூட்டல் = ₹6,480நிலை-1 இல் அதிகபட்ச அடிப்படை சம்பளம் ரூ.56,900 உள்ள ஒரு ஊழியருக்கு:
தற்போதைய டிஏ (55%) = ரூ.31,295
புதிய டிஏ (58%) = ரூ.33,002
மாதாந்திர அதிகரிப்பு = ரூ.1,707
ஆண்டு உயர்வு = ரூ.20,484
இது டிஏ கணக்கீடு மட்டுமே.
கூடுதலாக, HRA, TA போன்ற பிற கொடுப்பனவுகளின் அதிகரிப்பும் சம்பளத்தில் சேர்க்கப்படும். தற்போது, நிதி அமைச்சகத்தின் செலவினத் துறை இந்த உயர்வு திட்டத்தை தயாரித்து வருகிறது. பின்னர் பிரதமர் மோடி தலைமையில் நடைபெறும் மத்திய அமைச்சரவைக் கூட்டத்தில் இது வைக்கப்படும். ஒப்புதல் கிடைத்தவுடன் அதிகாரப்பூர்வமாக அறிவிக்கப்படும். இந்த 3% அதிகரிப்பு, அதிகரித்து வரும் பணவீக்கத்தை எதிர்கொள்ளும் லட்சக்கணக்கான குடும்பங்களுக்கு இது பெரும் நிம்மதியைத் தரும்.
பண்டிகைக் காலத்தில் இந்த முடிவு அறிவிக்கப்பட்டால், அவர்களின் மகிழ்ச்சி இரட்டிப்பாகும். அரசு ஊழியர்கள் அனைவரும் இந்த அறிவிப்புக்காக காத்திருக்கின்றனர்.
