திருமலை – திருப்பதி தேவஸ்தானத்திற்கு சொந்தமான சொத்தின் மதிப்பை தேவஸ்தான தலைவர் சுப்பா ரெட்டி வெளியிட்டுள்ளார்.
திருமலை – திருப்பதி தேவஸ்தான அறங்காவலர் குழு கூட்டமானது, தேவஸ்தான தலைவர் சுப்பா ரெட்டி தலைமையில் நடைபெற்றது. இந்த கூட்டத்திற்கு பின்னர் செய்தியாளர்களை சந்தித்த அவர், ”திருமலை – திருப்பதி தேவஸ்தானத்துக்கு சொந்தமான சொத்துகள் குறித்து இன்று வெள்ளை அறிக்கை வெளியிடப்பட்டுள்ளது. திருமலை – திருப்பதி தேவஸ்தானத்துக்கு இந்தியா மற்றும் வெளிநாடுகளில் 960 இடங்களில் உள்ள சொத்துக்களின் மதிப்பு 85,705 கோடி ரூபாய்.
தேவஸ்தானத்துக்கு சொந்தமான எந்த சொத்தையும் விற்கக் கூடாது என கடந்த 2014ஆம் ஆண்டு முடிவு செய்யப்பட்டுள்ளது. திருமலையில் பக்தர்கள் கூட்டம் அதிகரித்து வருவதையொட்டி, கூடுதலாக 10,000 பேர் தங்க விடுதிக்கட்ட ரூ.95 கோடி நிதி ஒதுக்கப்பட்டுள்ளது” என்று தெரிவித்தார்.
