எந்த நாட்டில் கள்ளக்காதலுக்கு அனுமதி தெரியுமா..? இங்கு ஆண்களை விட பெண்களே அதிகம்..!!

இந்தியாவில் கள்ளக்காதல் தண்டனைக்குரிய குற்றமல்ல என்றாலும், அது சமூக ரீதியாக அங்கீகரிக்கப்படாத, பாவ செயலாகவே கருதப்படுகிறது. அதேசமயம், சில நாடுகளில் கள்ளக்காதல் தண்டனைக்குரிய குற்றமாக உள்ளது. ஆனால், ஒரு சில நாடுகளில் இதற்கு எவ்விதச் சட்டத் தடைகளும் இல்லை. அங்கு மக்கள் பாலின வேறுபாடின்றிச் சுதந்திரமாக திருமணம் மீறிய உறவில் ஈடுபடுகின்றனர்.

தாய்லாந்து :

தாய்லாந்து உலகிலேயே மிக அதிக திருமணம் மீறிய உறவு விகிதத்தை கொண்டுள்ளது. இந்த நாட்டில் திருமணமானவர்களில் 56% பேர் கள்ளக்காதல் இருப்பதை ஒப்புக்கொள்கிறார்கள். டியூரெக்ஸ் கணக்கெடுப்பின்படி, தாய்லாந்து ஆண்களில் 54% பேர் தங்கள் மனைவிகளை ஏமாற்றியதாக ஒப்புக்கொண்டனர். இந்த நாட்டில் ஆண்களுக்கு இணையாகப் பெண்களும் கள்ளத்தொடர்புகளில் அதிக அளவில் ஈடுபடுவதாக ஆய்வுகள் தெரிவிக்கின்றன.

பிரான்ஸ் :

பிரெஞ்சு மக்கள் திருமணம் மீறிய உறவை அதிக அளவில் ஆதரிப்பவர்களாக உள்ளனர். 1975 ஆம் ஆண்டிலேயே பிரான்ஸ் விபச்சாரத்தைக் குற்றமற்றதாக்கியது. பியூ ஆராய்ச்சி மையத்தின் ஆய்வின்படி, பிரெஞ்சு குடிமக்களில் 53% பேர் தடை செய்யப்பட்ட பாலியல் உறவுகளுக்கு ஆதரவாக இருந்ததாக கண்டறியப்பட்டது. விபச்சாரம் மற்றும் திருமணம் மீறிய உறவுகளுக்கு உலகில் அதிகச் சகிப்புத்தன்மை கொண்ட நாடுகளில் பிரான்ஸ் முக்கிய இடத்தில் உள்ளது.

இங்கிலாந்து :

மேற்கத்திய கலாசாரம் பரவலாக உள்ள இங்கிலாந்தில், திருமணம் மீறிய உறவு குற்றமில்லை. இதனால் மக்கள் இங்குத் தயக்கமின்றி இத்தகைய உறவுகளில் ஈடுபடுகின்றனர். குளோபல் இன்வெஸ்டிகேஷன்ஸ் நடத்திய 2017 ஆம் ஆண்டு ஆய்வில், இங்கிலாந்தில் 57% ஆண்களும், 54% பெண்களும் தாங்கள் துரோகம் செய்ததை ஒப்புக்கொண்டனர். திருமணம் தாண்டிய உறவுகளுக்கு உதவுவதற்காகச் செயல்படும் ஆஷ்லே மேடிசன் இணையதளம், இங்கிலாந்தில் சுமார் 1.1 மில்லியன் பயனர்களைக் குவித்துள்ளது. இது பிரிட்டிஷ் மக்களிடையே இத்தகைய உறவுகளுக்கான விருப்பம் அதிகமாக இருப்பதைக் காட்டுகிறது.

ஜெர்மனி :

உலக அளவில் விபச்சாரத்தில் ஈடுபடும் நாடுகளில் ஜெர்மனி நான்காவது இடத்தில் உள்ளது. அங்குத் திருமண உறவில் துரோகம் செய்வது, மக்களின் வாழ்க்கை முறையில் பிரிக்க முடியாத ஒன்றாக மாறிவிட்டதாகப் பார்க்கப்படுகிறது. உலக மக்கள்தொகை மதிப்பாய்வு ஆய்வின்படி, ஜெர்மன் திருமணமான ஆண்களில் 45% பேர் தங்கள் துணையை ஏமாற்றியதாக ஒப்புக்கொண்டுள்ளனர்.

ஸ்பெயின் :

இங்கு, 1978 ஆம் ஆண்டு விபச்சாரம் குற்றமற்றதாக மாற்றப்பட்ட முக்கியமான திருத்தம், ஸ்பெயினில் திருமணம் மீறிய உறவுகள் அதிகரிப்பதற்கு காரணமாக அமைந்தது. 2018 ஆம் ஆண்டு ஸ்டாடிஸ்டா ஆராய்ச்சியில் பங்கேற்ற ஸ்பானியர்களில் தோராயமாக 30% பேர் தங்கள் வாழ்நாளில் ஒன்று முதல் மூன்று பாலியல் துணைகளைக் கொண்டிருந்ததாக ஒப்புக்கொண்டுள்ளனர்.

Read More : மனிதர்களுக்கு மரண வாய்ப்பை தரும் 10 விலங்குகள்..!! ஒரே கடிதான்.. உயிரே போயிரும்..!! எச்சரிக்கையா இருங்க..!!