உங்கள் குழந்தை கல்வியில் சிறந்து விளங்க வேண்டுமா..? விஜயதசமி நாளில் உச்சரிக்க வேண்டிய சிறப்பு மந்திரம்..!!

கல்வி, வீரம், செல்வம் என எத்தனை இருந்தாலும், ஒரு மனிதனின் வாழ்வில் கல்வி அறிவு என்பது மிக மிக அவசியமான ஒன்று. சரியான நேரத்தில், சரியான முறையில் ஒருவருடன் உரையாடவும் பழகவும் உதவுவது கல்வி அறிவே. இத்தகைய மகத்தான அறிவையும், அதற்கும் மேலாக சாமர்த்தியத்தையும், புத்தி கூர்மையையும் அருளும் தெய்வமாகத் திகழ்பவள் சரஸ்வதி தேவி. வித்யாதேவியின் கருணை நம் வாழ்வில் பிரகாசிக்க, அவளை வழிபடுவதற்கு மிகவும் உகந்த நாளாக விஜயதசமி தினம் கொண்டாடப்படுகிறது.

ஒவ்வொரு மனிதனும், சிறு குழந்தை முதல் பெரியவர் வரை, அன்றாட வாழ்வில் ஏதோவொரு புதிய விஷயத்தை கற்றுக்கொண்டே இருக்கிறான். “கல்வி கரையில கற்பவர் நாள் சில” என்று நம் முன்னோர்கள் கூறியது போல, கல்வியின் முக்கியத்துவத்தை உணர்த்தும் ஒரு சிறப்பான நாளாக விஜயதசமி திகழ்கிறது. இந்த ஆண்டு, அக்டோபர் மாதம் இரண்டாம் தேதி விஜயதசமி வருகிறது. அன்றைய தினம் பல வீடுகளில் வித்யாரம்பம் என்னும் சடங்கு நடைபெறும்.

குழந்தைகளின் நாவில் தேனால் சரஸ்வதி மந்திரத்தை எழுதுவது, நெல்லில் குழந்தையின் கையைப் பிடித்து ‘அ’, ‘ஆ’ போன்ற எழுத்துக்களை எழுதப் பழக்குவது, பள்ளியில் சேர்ப்பது, அல்லது கல்வி தொடர்பான புதிய முயற்சிகளைத் தொடங்குவது என பலவிதமான அறிவுத்திறனை மேம்படுத்தும் செயல்களில் மக்கள் ஈடுபடுவார்கள். நாம் தொடங்குகின்ற இந்தக் கல்விச் சார்ந்த முயற்சிகள் யாவும் வெற்றிபெற, சரஸ்வதி தேவியின் முழுமையான அருள் கட்டாயம் தேவை. அந்த அருளைப் பெற்றுத் தரக்கூடிய சக்தி வாய்ந்த ஒரு மந்திரத்தைத்தான் விஜயதசமி வழிபாட்டிற்காக இப்போது நாம் காணவிருக்கிறோம்.

சரஸ்வதி தேவியின் அருளைப் பெறும் மந்திரம்

விஜயதசமி அன்று, பிரம்ம முகூர்த்த நேரத்தில் எழுந்து நீராடி, தூய்மையான மனதுடன் வழிபாட்டைத் தொடங்க வேண்டும். வழிபாட்டின்போது, ஒரு சிறிய கிண்ணத்தில் ஒரு ஸ்பூன் அளவு தேன் வைத்து சரஸ்வதி தேவிக்கு நைவேத்தியமாகப் படைக்க வேண்டும். அதன் பிறகு, முழு மனதோடு சரஸ்வதி தேவியை நினைத்து, கீழ்வரும் மந்திரத்தை குறைந்தது பத்து நிமிடமாவது உச்சரிக்க வேண்டும். இயன்றவர்கள் 108 முறை உச்சரித்து, வாசனை மிகுந்த மலர்களால் தேவிக்கு அர்ச்சனை செய்யலாம்.

மந்திரம்:

”ஓம் சரதேச வித்மஹே பிரம்மபத்னிச தீமஹி தன்னோ வாணி பிரசோதயாத்”

வழிபாடு நிறைவு பெற்ற பிறகு, பிரசாதமாகப் படைக்கப்பட்ட அந்தத் தேனை வீட்டில் உள்ள அனைவரும் சிறிதளவு எடுத்துக்கொள்ள வேண்டும். சிறப்பான அறிவுத்திறன், புத்தி கூர்மை, மற்றும் வாழ்வில் முன்னேற்றம் ஆகியவற்றை அடைய விரும்பும் ஒவ்வொருவரும், விஜயதசமி தினத்தில் இந்தச் சிறப்பு மந்திரத்தைச் சொல்லி சரஸ்வதி தேவியை வழிபடுவதால் அனைத்து நன்மைகளும் உண்டாகும் என்பது ஐதீகம்.

Read More : படுத்தி எடுக்கும் ராகுவை குளிர்விக்க இந்த கோவிலுக்கு போங்க.. பிரச்சனை எல்லாம் தீரும்..!!