தனது மனைவியுடன் கள்ளத்தொடர்பு வைத்திருந்த 25 வயது இளைஞரை அவரது நண்பனே கொலை செய்த சம்பவம் அதிர்ச்சியை ஏற்படுத்தியுள்ளது.
திண்டுக்கல் மாவட்டம் பழனி அருகே குபேரபட்டினம் பகுதியைச் சேர்ந்தவர் நவநீதன். இவருக்கு 25 வயது. அதே பகுதியை சேர்ந்தவர் சுதாகர். இருவருமே சிறுவதில் இருந்து நெங்கிய நண்பர்கள். இந்நிலையில், சுதாகர் மூலம் நவநீதனுக்கு அஜித் (29) என்ற நபருடன் அறிமுகம் ஏற்பட்டுள்ளது. அஜித் தனது மனைவி மேகவர்ஷினியுடன் அதே பகுதியில் வசித்து வந்துள்ளார்.
இதனால், அஜித்தின் வீட்டிற்கு நவநீதனும் சுதாகரும் அடிக்கடி சென்று வந்துள்ளனர். அப்போது, அஜித்தின் மனைவி மேகவர்ஷினிக்கும், நவநீதனுக்கும் பழக்கம் ஏற்பட்டு, நாளடைவில் கள்ளக்காதலாக மாறியுள்ளது. இதையடுத்து, அஜித் வீட்டில் இல்லாத சமயத்தில் நவநீதன், அவரது வீட்டிற்கு சென்று மேகவர்ஷினியுடன் உல்லாசமாக இருந்துள்ளார்.
ஆனால், ஒரு கட்டத்தில் இவர்களின் கள்ளக்காதல் அஜித்துக்கு தெரியவந்தது. இதனால், இருவரையும் கடுமையாக கண்டித்துள்ளார். ஆனால், நவநீதன் மற்றும் மேகவர்ஷினியால் கள்ளக்காதலை கைவிட முடியவில்லை. இதனால், மன வேதனை அடைந்த அஜித், பழனி ஜவஹர் நகர் பகுதிக்கு தனது மனைவியுடன் குடியேறினார். இருப்பினும், சமயம் கிடைத்த போதேல்லாம், மேகவர்ஷினியும் நவநீதனும் தொடர்பில் இருந்துள்ளனர்.
இதனால், கடும் கோபமடைந்த அஜித், தனது மனைவியின் கள்ளக்காதலன் நவநீதனை கொலை செய்ய முடிவு செய்தார். இதையடுத்து, தனது நண்பர் சுதாகரிடம் சொல்லி நவநீதனை மது அருந்த அழைத்து வர கூறியுள்ளார். இதனால், சுதாகரும் நவநீதனை அஜித் சொன்ன இடத்திற்கு அழைத்து வந்துள்ளார். அங்கு ஆள் நடமாட்டமே இல்லை. இதையடுத்து, மூவரும் அங்கு அமர்ந்து மது அருந்தியுள்ளனர். அப்போது, கள்ளக்காதல் தொடர்பாக இருவருக்கும் வாக்குவாதம் ஏற்பட்டுள்ளது.
இதனால், ஆத்திரமடைந்த அஜித், தான் மறைத்து கொண்டு வந்த கத்தியை எடுத்து நவநீதனின் கழுத்தை அறுத்துள்ளார். இதில், அவர் சம்பவ இடத்திலேயே துடிதுடித்து உயிரிழந்தார். பின்னர், அஜித்தும் சுதாகரும் தங்களது வீட்டிற்கு சென்றுவிட்டனர். இதனைத் தொடர்ந்து, மறுநாள் அவ்வழியாக சென்றவர்கள் நவநீதனின் உடலை கண்டு அதிர்ச்சி அடைந்தனர். பின்னர், போலீசுக்கு தகவல் கொடுத்தனர்.
இதனைத் தொடர்ந்து, நவநீதனனின் உடலைக் கைப்பற்றிய காவல்துறையினர் இந்த கொலையில் சம்பந்தப்பட்ட அஜித்தையும், சுதாகரையும் அதிரடியாக கைது செய்து நீதிமன்றத்தில் ஆஜர்படுத்தி சிறையில் அடைத்தனர். இச்சம்பவம் அப்பகுதியில் பெரும் அதிர்ச்சியையும், பரபரப்பையும் ஏற்படுத்தியுள்ளது.
