மக்களவையில் அமளியில் ஈடுபட்ட எதிர்க்கட்சி எம்.பிக்கள் 9 பேர் சஸ்பெண்ட் செய்யப்பட்டனர். சபாநாயகர் இருக்கையை நோக்கி காகிதங்களை வீசியதால் இந்த 9 பேரும் பட்ஜெட் கூட்டத்தொடர் முழுவதும் இடைநீக்கம் செய்யப்பட்டுள்ளனர்.
நாடாளுமன்ற உறுப்பினர்களில் மாணிக்கம் தாகூர், குர்ஜீத் சிங் அஜ்லா, அமரிந்தர் சிங் ராஜா வாரிங், கிரண் குமார் ரெட்டி, சு.வெங்கடேசன் உள்ளிட்டோர் அடங்குவர். இந்த எம்.பி.க்களில் 7 பேர் காங்கிரஸ் கட்சியைச் சேர்ந்தவர்கள், ஒருவர் சு. வெங்கடேசன் ( சிபிஎம் கட்சியைச் சேர்ந்தவர்.
இது தொடர்பாக மத்திய நாடாளுமன்ற விவகாரத்துறை அமைச்சர் கிரண் ரிஜிஜு தீர்மானம் கொண்டு வந்ததை அடுத்து, எம்.பி.க்கள் மீது நடவடிக்கை எடுக்கப்பட்டுள்ளது.
சஸ்பெண்ட் செய்யப்பட்ட எம்.பி.க்கள்
குர்ஜித் சிங் அவுஜ்லா (காங்கிரஸ்): பஞ்சாப்பி. அமிர்தசரஸ்
அம்ரீந்தர் சிங் ராஜா வார்ரிங் (காங்கிரஸ்): பஞ்சாப்பில், லூதியானா
ஹிபி ஈடன் (காங்கிரஸ்): கேரளாவில் எர்ணாகுளம்
டீன் குரியகோஸ் (காங்கிரஸ்): கேரளாவில், இடுக்கி
மாணிக்கம் தாகூர் (காங்கிரஸ்): தமிழ்நாட்டில் விருதுநகர்
சாமலா கிரண் குமார் ரெட்டி (காங்கிரஸ்): தெலுங்கானாவில் போங்கிர்
பிரசாந்த் படோல் (காங்கிரஸ்): மகாராஷ்டிராவில் பண்டாரா-கோண்டியா
எஸ்.வெங்கடேசன் (சிபிஐ-எம்): தமிழகத்தில் மதுரை
முன்னாள் ராணுவத் தளபதி மனோஜ் முகுந்த் நரவனேவின் வெளியிடப்படாத நினைவுக் குறிப்பை மேற்கோள் காட்டி, 2020 இந்தியா-சீனா மோதலைப் பற்றி லோபி ராகுல் காந்தி பேச முயன்றதை அடுத்து, மக்களவையில் அமளி ஏற்பட்டது.. எனினும், நினைவுக் குறிப்பு இன்னும் வெளியிடப்படாததால் அதை மேற்கோள் காட்ட முடியாது என்று அரசாங்கம் கூறியதை அடுத்து, சபாநாயகர் இந்த கோரிக்கையை நிராகரித்தார்..
ராகுல் காந்தி தனது கருத்தை முன்வைப்பதில் உறுதியாக இருந்தார், ஆனால் அவரால் தனது உரையை முழுமையாக முடிக்க முடியவில்லை. அமளியின் காரணமாக, அவையின் நடவடிக்கைகள் பலமுறை ஒத்திவைக்கப்பட வேண்டியிருந்தது.
இதனிடையே மக்களவையில் நாடாளுமன்ற உறுப்பினர்கள் சபாநாயகரின் இருக்கையை நோக்கி காகிதத் துண்டுகளை வீசினர். மாலை 3 மணிக்கு மக்களவை நடவடிக்கைகள் நான்காவது முறையாக மீண்டும் தொடங்கியபோது, நாடாளுமன்ற விவகாரத்துறை அமைச்சர் கிரண் ரிஜிஜு, காகிதங்களை வீசிய நாடாளுமன்ற உறுப்பினர்களை இந்த கூட்டத்தொடரின் எஞ்சிய காலத்திற்கு இடைநீக்கம் செய்வதற்கான ஒரு தீர்மானத்தை முன்வைத்தார். அது குரல் வாக்கெடுப்பு மூலம் நிறைவேற்றப்பட்டது என்பது குறிப்பிடத்தக்கது.
Read More : “மோடி கலக்கத்தில் உள்ளார்.. டிரம்பின் அழுத்தம் காரணமாகவே கையெழுத்து..” ராகுல் காந்தி குற்றச்சாட்டு..!
