இந்தியாவில் டிஜிட்டல் பரிவர்த்தனைகள் அதிகரித்துள்ள நிலையில், அதே அளவில் சைபர் குற்றங்கள் மற்றும் ஆன்லைன் மோசடிகளும் அதிகரித்து வருகின்றன. வங்கி / UPI OTP கேட்டு பணம் பறிக்கும் மோசடி, போலி loan apps மூலம் தகவல்கள் திருட்டு, KYC update பெயரில் link அனுப்பி account காலி செய்வது, ஆன்லைன் ஷாப்பிங் / OLX / Matrimony மோசடிகள், வேலை வாய்ப்பு மற்றும் மூதலீட்டு மோசடி என பல வகை மோசடிகள் அரங்கேறி வருகின்றன..
இந்தியாவில் தினசரி ஆயிரக்கணக்கான ஆன்லைன் மோசடி புகார்கள் பதிவு செய்யப்படுகின்றன. தேசிய சைபர் குற்றத் தணிக்கை மையம் (National Cyber Crime Reporting Portal) வெளியிட்ட தகவலின்படி, கடந்த சில ஆண்டுகளில் டிஜிட்டல் மோசடிகள் 50%க்கு மேல் உயர்வு கண்டுள்ளன.
இந்த நிலையில், உள்துறை அமைச்சகத்தின் கீழ் இயங்கும் இந்திய சைபர் குற்ற ஒருங்கிணைப்பு மையம் (I4C), மொபைல் பயனர்களை குறிவைத்து ஒரு புதிய eSIM மோசடி குறித்து எச்சரிக்கை விடுத்துள்ளது. மோசடி மிகவும் ஆபத்தானது என்றும், குற்றவாளிகள் OTPகள் அல்லது ATM விவரங்கள் இல்லாமல் வங்கிக் கணக்குகளிலிருந்து பணத்தைத் திருட முடியும் என்றும் தெரிவித்துள்ளது. சமீபத்தில், சைபர் குற்றவாளிகள், பாதிக்கப்பட்டவரின் கணக்கிலிருந்து ரூ.4 லட்சம் பணத்தை திருட்டி உள்ளனர்.
eSIM மோசடி எவ்வாறு செயல்படுகிறது ?
சைபர் குற்றவாளிகள் முதலில் தாங்கள் குறிவைத்த நபரை, அழைத்து போலி eSIM செயல்படுத்தும் இணைப்பை அனுப்புகிறார்கள். அந்த இணைப்பைக் கிளிக் செய்யும்போது, அவர்களின் அசல் சிம் தானாகவே eSIM ஆக மாறும். பின்னர் தொலைபேசி அதன் அசல் சிம் செயல்பாட்டை இழக்கிறது, மேலும் நெட்வொர்க் சிக்னல்கள் நின்றுவிடும்.
இதற்குப் பிறகு, அந்த நபருக்கு அழைப்புகள் மற்றும் குறுஞ்செய்திகளைப் பெறுவதை நிறுத்துகிறார். அனைத்து செய்திகளும் வங்கி OTPகளும் மோசடி செய்பவர்களின் eSIMக்கு திருப்பி விடப்படுகின்றன. இந்த OTPகளைப் பயன்படுத்தி, குற்றவாளிகள் வங்கி பரிவர்த்தனைகளை முடித்து, குறுக்கீடு இல்லாமல் பணத்தைத் திருடலாம்.
உங்களை எப்படிப் பாதுகாத்துக் கொள்வது
பயனர்கள் இந்த முன்னெச்சரிக்கை நடவடிக்கைகளைப் பின்பற்றுமாறு I4C அறிவுறுத்தியது:
தெரியாத எண்களிலிருந்து வரும் அழைப்புகள் அல்லது இணைப்புகளை நம்ப வேண்டாம்.
உங்கள் தொலைத்தொடர்பு ஆபரேட்டரின் அதிகாரப்பூர்வ சேனல்கள் மூலம் மட்டுமே செயல்முறையைத் தொடங்கவும்
உங்கள் தொலைபேசி திடீரென நெட்வொர்க் சிக்னல்களை இழந்தால், உடனடியாக உங்கள் வங்கி மற்றும் மொபைல் சேவை வழங்குநரைத் தொடர்பு கொள்ளவும்.
சைபர் குற்றங்களைச் சமாளிக்க உள்துறை அமைச்சகத்தின் கீழ் ஜனவரி 2020 இல் I4C நிறுவப்பட்டது. டிஜிட்டல் பரிவர்த்தனைகள் அதிகரித்து வருவதாலும், ஸ்மார்ட்போன் பயனர்களின் எண்ணிக்கை அதிகரித்து வருவதாலும், இதுபோன்ற மோசடிகள் வேகமாக அதிகரித்து வருகின்றன. புதிய eSIM மோசடி குறித்து பயனர்களுக்கு விழிப்புணர்வு ஏற்படுத்த அரசாங்கம் இந்த எச்சரிக்கையை விடுத்துள்ளது.
