இன்றைய நவீன உலகில் ஸ்மார்ட்போன்கள் மனிதனின் ஆறாவது விரலைப் போல மாறிவிட்டன. வங்கிச் சேவைகள் தொடங்கி சமூகத் தொடர்புகள் வரை அனைத்தும் இந்தச் சிறு கருவிக்குள் அடங்கிவிட்டன. ஆனால், ஒருவருடைய தனிப்பட்ட சாதனமாக ஸ்மார்ட்போன் கருதப்பட்டாலும், இந்தியச் சட்ட விதிகளின்படி குறிப்பிட்ட சில உள்ளடக்கங்களை அதில் வைத்திருப்பது உங்களை ஜாமீனில் வெளிவர முடியாத சிறைத் தண்டனைக்கு இட்டுச் செல்லும். குறிப்பாக, கீழ்க்கண்ட நான்கு விஷயங்கள் உங்கள் ஸ்மார்ட்போனில் இருந்தால், சட்டத்தின் பிடியிலிருந்து தப்புவது கடினம்.
குழந்தைகளுக்கு எதிரான குற்றங்களும் வீடியோக்களும் :
இந்திய சட்ட அமைப்பில் குழந்தைகளுக்கு எதிரான பாலியல் குற்றங்கள் மிக கடுமையானதாக பார்க்கப்படுகின்றன. குறிப்பாக, குழந்தைகள் தொடர்பான ஆபாச வீடியோக்களை பார்ப்பது, தரவிறக்கம் செய்வது அல்லது மற்றவர்களுக்கு பகிர்வது ஆகியவை மிகப்பெரிய குற்றமாகும். பல நேரங்களில் வாட்ஸ்அப் குழுக்களில் யாரோ ஒருவர் அனுப்பிய வீடியோக்களை நீங்கள் பார்க்காவிட்டாலும், அவை உங்களது ‘கேலரி’யில் தானாக சேமிக்கப்பட்டிருந்தால் கூட, உங்களைக் குற்றவாளியாகக் கருதி போலீஸார் கைது செய்ய சட்டத்தில் இடமுண்டு. இத்தகைய குற்றங்களுக்குப் பிணை (Bail) கிடைப்பது மிகவும் கடினம் என்பதால், மொபைலில் உள்ள தேவையற்ற தரவுகளை அடிக்கடி சரிபார்ப்பது அவசியம்.
வெறுப்புப் பேச்சு மற்றும் வதந்திகள் :
சமூக வலைதளங்களை பயன்படுத்தும் போது நாட்டின் இறையாண்மைக்கு எதிராகவோ, மத கலவரத்தை தூண்டும் விதமாகவோ கருத்துக்களை பதிவிடுவது ‘சைபர் டெரரிசம்’ (Cyber Terrorism) என்ற பிரிவின் கீழ் வரும். சாதிய மோதல்களை உருவாக்கும் வீடியோக்கள் அல்லது நாட்டின் பாதுகாப்புக்கு அச்சுறுத்தல் தரும் வதந்திகளைப் பரப்புவது உங்களைக் கடுமையான சிறைத் தண்டனைக்கு உள்ளாக்கும். எனவே, உறுதிப்படுத்தப்படாத தகவல்களையோ, வெறுப்புப் பேச்சுகளையோ ஸ்மார்ட்போனில் சேமித்து வைப்பதும் பகிர்வதும் சட்டப்படி தண்டனைக்குரிய செயலாகும்.
ஹேக்கிங் மற்றும் உளவு செயலிகள் :
அரசாங்கத்தால் தடை செய்யப்பட்ட செயலிகள் (Banned Apps) அல்லது பிறருடைய போனை அவர்களின் அனுமதி இன்றி உளவு பார்க்கப் பயன்படுத்தப்படும் ‘ஸ்பை’ (Spyware) செயலிகளை உங்கள் மொபைலில் வைத்திருப்பது சட்டவிரோதமானது. அதேபோல், அங்கீகரிக்கப்படாத போலி அடையாள அட்டைகள், போலி ஆவணங்களை மொபைலில் ஸ்கேன் செய்து வைத்திருப்பதும், சட்டவிரோத ஹேக்கிங் மென்பொருட்களை பயன்படுத்துவதும் சைபர் குற்றப் பிரிவின் கீழ் உங்களை கைது செய்யப் போதுமான ஆதாரங்களாகும்.
ஸ்மார்ட்போன் என்பது தகவல் தொடர்புக்கான கருவி என்பதை தாண்டி, அது உங்களைப் பற்றிய முழுத் தகவல்களையும் கொண்ட ஒரு ஆவணமாகும். தெரியாமல் கூட இத்தகைய சட்டவிரோத விஷயங்கள் உங்கள் சாதனத்திற்குள் நுழையாமல் பார்த்துக்கொள்வது உங்கள் எதிர்காலத்திற்கு நல்லது. தொழில்நுட்பம் உங்களுக்குத் துணையாக இருக்க வேண்டுமே தவிர, அதுவே உங்களை சிறைக்கு அனுப்பும் கருவியாக மாறிவிடக் கூடாது என்பதே அறிவுரையாக உள்ளது.
Read More : நிதி நெருக்கடியை தவிர்க்க வேண்டுமா..? செவ்வாய் கிழமை அன்று மறந்தும் கூட இந்த தவறுகளை பண்ணாதீங்க..!!
