பிரபல நகைச்சுவை நடிகர் மயில்சாமி இன்று உடல்நலக்குறைவால் காலமானார். அவருக்கு வயது 57. நடிகர் மயில்சாமி தொலைக்காட்சி தொகுப்பாளராகவும், திரைப்படங்களில் நகைச்சுவை கதாப்பாத்திரம் மற்றும் குணச்சித்திர வேடங்களில் நடித்துள்ளார். தூள், கில்லி, கண்களால் கைது செய், தேவதையை கண்டேன், ரெண்டு நான் அவனில்லை, நான் அவனில்லை2 மற்றும் திருவிளையாடல் ஆரம்பம் போன்ற பல படங்களின் மூலமாக புகழ்பெற்றார்.
1984 முதல் சினிமாவில் நடித்து வந்த இவர் 250-க்கும் மேற்பட்ட படங்களில் நடித்துள்ளது குறிப்பிடத்தக்கது. நகைச்சுவை நடிகர் மயில்சாமியின் மறைவுக்கு சினிமா பிரபலங்கள் மற்றும் ரசிகர்கள் இரங்கல் தெரிவித்து வருகின்றனர்.
