இனிப்பு உணவுகள் முதல் பிரியாணி வரை, பல உணவுகளில் ஏலக்காய் பயன்படுத்தபடுகிறது. சமையலில் மட்டுமல்ல தேநீரில் கூட ஏலக்காயையும் சேர்க்கிறார்கள். இது தேநீன் சுவையை அதிகரிப்பது மட்டுமல்லாமல் நறுமணத்தை அதிகரிக்கிறது. ஏலக்காய் தேநீர் குடிப்பதால் உடலில் ஏற்படும் நன்மைகளை இந்த பதிவில் பார்க்கலாம்.
செரிமானத்தை மேம்படுத்துகிறது: ஏலக்காய் நமது செரிமானத்தை மேம்படுத்த உதவுகிறது. தேநீரில் ஏலக்காயைக் கலந்து சாப்பிடுவது செரிமான நொதிகளின் உற்பத்தியை அதிகரிக்கிறது. இது அஜீரணம் மற்றும் வயிறு உப்புசம் போன்ற வயிறு தொடர்பான பிரச்சினைகளையும் குறைக்கிறது. இது வயிற்றை தளர்த்துவது மட்டுமல்லாமல், சாப்பிட்ட பிறகு ஏற்படும் அசௌகரியத்தையும் குறைக்கிறது.
வளர்ச்சிதை மாற்றம் அதிகரிக்கும்: தினமும் ஏலக்காய் டீ குடிப்பது உடலின் வளர்சிதை மாற்ற செயல்பாட்டை அதிகரிக்கிறது. இதன் காரணமாக, இது உங்கள் உடலில் தேங்கியுள்ள கொழுப்பை எரிக்க உதவுகிறது. இதன் விளைவாக, இது எளிதில் எடை குறைக்க உதவுகிறது. உடலில் இருந்து அதிகப்படியான தண்ணீரை அகற்றவும் உதவுகிறது.
கல்லீரல் மற்றும் சிறுநீரக செயல்பாடு: ஏலக்காயில் உள்ள சேர்மங்கள் கல்லீரல் மற்றும் சிறுநீரக செயல்பாட்டை மேம்படுத்த உதவுகின்றன. மேலும், ஏலக்காய் தேநீர் குடிப்பதால்… உடலில் குவிந்துள்ள அனைத்து நச்சுக்களும் நீக்கப்படும். இது ஆரோக்கியத்தை மேம்படுத்துவதோடு மட்டுமல்லாமல் சருமத்தையும் அழகாகக் காட்டுகிறது.
நோய் எதிர்ப்பு சக்தி: ஆக்ஸிஜனேற்றிகள் நிறைந்த ஏலக்காய், நோயெதிர்ப்பு மண்டலத்தை வலுப்படுத்துவதில் முக்கிய பங்கு வகிக்கிறது. இது ஆக்ஸிஜனேற்ற அழுத்தத்தைக் குறைத்து, பல வகையான நோய்களிலிருந்து உடலைப் பாதுகாக்கிறது.
மன அழுத்தம்: மன அழுத்தத்தைக் குறைப்பதில் ஏலக்காய் முக்கிய பங்கு வகிக்கிறது. தேநீரில் கலக்கும்போது, அது நல்ல மனநிலையைத் தரும் ஹார்மோன்களின் உற்பத்தியைத் தூண்டுகிறது, மனதை அமைதிப்படுத்துகிறது மற்றும் பதட்டத்தைக் குறைக்கிறது.
சுவாச பிரச்சனைகளை குறைக்கும்: மழைக்காலம் மற்றும் குளிர்காலத்தில், பலர் சளி, இருமல் போன்ற பிரச்சனைகளால் அவதிப்படுகிறார்கள். இதுபோன்ற நேரங்களில் ஏலக்காய் டீ குடிப்பது தொண்டை புண், சளி போன்ற பிரச்சனைகளில் இருந்து நிவாரணம் அளிக்கும்.
வாய்வழி சுகாதாரம்: ஏலக்காயின் பாக்டீரியா எதிர்ப்பு பண்புகள் வாய்வழி சுகாதாரத்தை மேம்படுத்த உதவுகின்றன. ஏலக்காய் வாய் துர்நாற்றத்தைத் தடுக்கிறது. நமது தினசரி தேநீரில் ஏலக்காயைச் சேர்ப்பது சுவை மற்றும் நறுமணத்தை அதிகரிப்பது மட்டுமல்லாமல் அற்புதமான ஆரோக்கிய நன்மைகளையும் வழங்குகிறது. இயற்கை மருத்துவ குணங்கள் நிறைந்த இந்த மசாலா, உங்கள் வீட்டு சமையலறையை மட்டுமல்ல, உங்கள் ஆரோக்கியத்தையும் மேம்படுத்தும்.
