2025 ஆம் ஆண்டு இறுதிக்குள் ரிசர்வ் வங்கி ரெப்போ விகிதத்தை 5% ஆகக் குறைக்கும் என்று நோமுரா கணித்துள்ளது.
உலகளாவிய தரகு நிறுவனமான நோமுராவின் அறிக்கையின்படி, இந்திய ரிசர்வ் வங்கி (RBI) 2025 ஆம் ஆண்டு இறுதிக்குள்,ரெப்போ விகிதத்தை முழு சதவீதப் புள்ளியால் – 6 சதவீதத்திலிருந்து 5 சதவீதமாகக் குறைக்க வாய்ப்புள்ளது. ‘ஆசியா H2 அவுட்லுக்’ அறிக்கையில், மொத்த உள்நாட்டு உற்பத்தி வளர்ச்சி (ரிசர்வ் வங்கியின் கணிக்கப்பட்ட 6.5 சதவீதத்துடன் ஒப்பிடும்போது 6.2 சதவீதம்) மற்றும் பணவீக்கம் (ரிசர்வ் வங்கியின் இலக்கான 4 சதவீதத்துடன் ஒப்பிடும்போது 3.3 சதவீதம்) ஆகிய இரண்டிலும் குறைவான செயல்திறனை நோமுரா குறிப்பிட்டுள்ளது.
இந்த குறைவான செயல்திறன்தான் ரிசர்வ் வங்கி ரெப்போ விகிதம் உட்பட மேலும் கொள்கை விகிதக் குறைப்புகளைச் செயல்படுத்தும் என்று எதிர்பார்ப்பதற்கான அடிப்படை என்று நோமுரா தெரிவித்துள்ளது. வெள்ளிக்கிழமை திட்டமிடப்பட்ட ரிசர்வ் வங்கியின் ரெப்போ விகித முடிவுக்கு முன்னதாக, ஜூன், ஆகஸ்ட், அக்டோபர் மற்றும் டிசம்பர் 2025 இல் தலா 25 அடிப்படை புள்ளிகள் ரெப்போ விகிதக் குறைப்புகளை எதிர்பார்ப்பதாக நோமுரா தெரிவித்துள்ளது.
இந்தியா விவேகமான நிதி நடைமுறைகளைப் பின்பற்றுவதாக தெரிவித்துள்ள நேமுரா, அதே நேரத்தில் பணவியல் கொள்கை பெரும் சுமையை ஏற்படுத்துகிறது” என்று அது குறிப்பில் கூறியது. அந்நிய செலாவணியில், குறிப்பாக அமெரிக்க டாலர்/INR விஷயத்தில், ரிசர்வ் வங்கி அதிக நெகிழ்வுத்தன்மையைக் கொண்டிருக்கும் என்று அது எதிர்பார்க்கிறது. “ரிசர்வ் வங்கி, அமெரிக்க டாலரின் மதிப்பு குறைந்து, இந்திய ரூபாயின் மதிப்பு உயர்வை கட்டுப்படுத்தும் வகையில், இருப்புக்களை குவிக்க வாய்ப்புள்ளது என்று கூறப்பட்டுள்ளது.
ரிசர்வ் வங்கியின் பணவியல் கொள்கைக் குழு (MPC) இன்று தொடங்கி (ஜூன் 4) 6ம் தேதி வரை கூட உள்ளது. பணவீக்கம் சராசரி இலக்கான 4 சதவீதத்திற்கும் குறைவாகவே இருப்பதால், மத்திய வங்கி தொடர்ந்து மூன்றாவது முறையாக 25 அடிப்படைப் புள்ளிகளைக் குறைக்கும் என்று ஆய்வாளர்கள் எதிர்பார்க்கின்றனர். பொருளாதாரத்தின் உற்பத்தித் தேவைகளைப் பூர்த்தி செய்ய போதுமான அளவு பணப்புழக்கத்தை பராமரிக்க, பணப்புழக்க மேலாண்மை நடவடிக்கைகளை பணப்புழக்கக் கொள்கை நிலைப்பாட்டிற்கு ஏற்ப தொடர்ந்து மேற்கொள்வதாக ரிசர்வ் வங்கி கூறியுள்ளது.
நல்ல பணவீக்கக் கண்ணோட்டமும் மிதமான வளர்ச்சியும், வேகமாக மாறிவரும் உலகளாவிய பொருளாதார நிலைமைகள் குறித்து விழிப்புடன் இருக்கும் அதே வேளையில், வளர்ச்சிக்கு ஆதரவாக பணவியல் கொள்கை இருக்க வேண்டும் என்று உத்தரவாதம் அளிக்கிறது என்று மத்திய வங்கி தனது ‘2024-25 ஆண்டு அறிக்கையில்’ தெரிவித்துள்ளது. குறிப்பிடத்தக்க வகையில், ரிசர்வ் வங்கியின் MPC, அதன் ஏப்ரல் கூட்டத்தில், பாலிசி ரெப்போ விகிதத்தை 25 அடிப்படைப் புள்ளிகள் குறைத்து 6 சதவீதமாகக் குறைக்க ஒருமனதாக வாக்களித்தது குறிப்பிடத்தகக்து.
Readmore: சென்னையில் கொரோனா வைரஸ்… மேலும் ஒருவர் பலி…! சுகாதாரத்துறை தகவல்…!
