2026 ஏப்ரல் 1 முதல் புதிய வருமான வரி சட்டம் 2025-ஐ நடைமுறைப்படுத்த இந்தியா தயாராகி வருகிறது. இதன் மூலம், பல தசாப்தங்களாக நடைமுறையில் இருந்த 1961-ம் ஆண்டு வருமான வரி சட்டம் மாற்றப்பட உள்ளது. இந்த மாற்றத்தின் காரணமாக, சம்பளதாரர்களின் டேக் ஹோம் சம்பளம் (take-home salary) சிறிதளவு அதிகரிக்க வாய்ப்பு உள்ளது.
சம்பளம் அதிகரிக்க முக்கிய காரணம்
புதிய வரி முறையில் (new tax regime) வழங்கப்படும் நிலையான கழித்தல் தான் டேக் ஹோம் சம்பளம் அதிகரிக்க முக்கிய காரணமாக உள்ளது. தற்போது, சம்பளதாரர்களுக்கு வழங்கப்படும் standard deduction ரூ.75,000 ஆக உள்ளது. இந்த சலுகை, வரிக்குட்படும் வருமானத்தை (taxable income) குறைக்கிறது. அதனால், கையில் கிடைக்கும் வருமானம் (disposable income) அதிகரிக்கிறது.
ரூ.12 லட்சம் வரை வருமானம் – வரி இல்லை
புதிய வரி முறையில், ஆண்டுக்கு ரூ.12 லட்சம் வரை வருமானம் பெறும் வரி செலுத்துபவர்கள், பிரிவு 87ஏ Section 87A காரணமாக பயனுள்ளதாக வரி செலுத்த வேண்டிய அவசியம் இல்லாத நிலை உருவாகிறது. மேலும், சம்பளதாரர்களுக்கு ரூ.75,000 நிலையான கழிவ் (standard deduction) சேர்க்கப்படும்போது, சுமார் ரூ.12.75 லட்சம் வரை வருமானம் வரி இல்லாததாக இருக்க முடியும்.
வரி அடுக்குகளில் மாற்றம் இல்லை
2026–27 நிதியாண்டுக்கான (FY 2026–27) வருமான வரி ச்லாப்களில் (income-tax slabs) எந்த மாற்றமும் இல்லை. ஆனால், ஏப்ரல் முதல் புதிய வரி சட்டம் அமலுக்கு வருவதால், வரி கணக்கீடு எளிமையாகும்.. சட்டப்படி செயல்படுவது சுலபமாகும்.. சமீபத்திய பட்ஜெட்டுகளில் வழங்கப்பட்ட வரி சலுகைகள் தொடரும் என்று எதிர்பார்க்கப்படுகிறது.
எனவே, இந்த வரி மாற்றங்கள், வரி அமைப்பை எளிமைப்படுத்தவும், சம்பளதாரர்கள் தொடர்ந்து சலுகைகள் பெறவும் உதவும்.. மேலும் வருமான நிலை மற்றும் தேர்ந்தெடுத்த வரி முறையைப் பொறுத்து, மாதந்தோறும் கையில் கிடைக்கும் சம்பளத்தை சிறிதளவு உயர்த்த உதவக்கூடும்..
