போலந்தில் நடைபெற்ற விமானக் கண்காட்சி ஒத்திகையின்போது போர் விமானம் விபத்துக்குள்ளானதில் ராணுவ விமானி உயிரிழந்த சம்பவம் பெரும் சோகத்தை ஏற்படுத்தியுள்ளது.
போலந்தின் ராடோமில் விமானக் கண்காட்சி இந்த வார இறுதியில் நடைபெறவுள்ளது. இதற்காக ஒத்திகை நிகழ்ச்சிகள் நடத்தப்பட்டது. அதன்படி, நேற்று நடைபெற்ற ஒத்திகையி போது அந்நாட்டு விமானப்படையின் F-16 போர் விமானம் விபத்துக்குள்ளானது. இதில் ராணுவ விமானி ஒருவர் பலியானதாக தெரிவிக்கப்பட்டுள்ளது. விமானியின் அடையாளம் உடனடியாகத் தெரியவில்லை. இதனை போலந்து பாதுகாப்பு அமைச்சர் விளாடிஸ்லாவ் கோசினியாக்-காமிஸ் உறுதிப்படுத்தினார்.
தாய்நாட்டிற்கு எப்போதும் அர்ப்பணிப்புடனும் மிகுந்த தைரியத்துடனும் சேவை செய்த அதிகாரி. அவரது நினைவாக அஞ்சலி செலுத்துகிறேன். குடும்பத்தினருக்கும் அன்புக்குரியவர்களுக்கும் எனது ஆழ்ந்த இரங்கலைத் தெரிவித்துக் கொள்கிறேன். இது விமானப்படைக்கும் முழு போலந்து ராணுவத்திற்கும் பெரும் இழப்பு” என்று அவர் X இல் ஒரு பதிவில் எழுதினார்.
இறந்த விமானியின் குடும்பத்தினருக்கு இரங்கல் தெரிவித்து, போலந்து பிரதமர் டொனால்ட் டஸ்க், X தளப் பதிவில், விபத்தில் உயிரிழந்த விமானியின் ஆன்மா சாந்தியடையட்டும்! குடும்பத்தினருக்கும் அன்புக்குரியவர்களுக்கும், எனது ஆழ்ந்த இரங்கலைத் தெரிவித்துக் கொள்கிறேன் என்று பதிவிட்டுள்ளார். மேலும் இந்த விபத்தில் அருகில் இருந்த யாருக்கும் காயம் ஏற்படவில்லை என்றும் அந்நாட்டின் ஆயுதப்படைகளின் பொதுத் தளபதி தெரிவித்ததாக ராய்ட்டர்ஸ் செய்தி வெளியிட்டுள்ளது.
சமூக ஊடகங்களில் வெளியாகியுள்ள விபத்தின் சில காணொளிகளில், போர் விமானம் தரையில் விழுவதற்கு முன்பு ஒரு வான்வழி சூழ்ச்சியைச் செய்வதையும், அது தொடர்ந்து சரியும்போது தீப்பிடித்து எரிவதையும் காட்டுகிறது.
Readmore: அமெரிக்க வரியால் ஏற்படும் பாதிப்பை தடுக்க உடனடி நிவாரணம் வேண்டும்..! CM ஸ்டாலின் கோரிக்கை…!
