மும்பை, கோரேகான் ஈஸ்ட் பகுதியில் உள்ள யூமேனியா ஃபிட்னஸ் சென்டரில், உடற்பயிற்சி கருவியை பயன்படுத்திய விவகாரத்தில் ஏற்பட்ட மோதல் வன்முறையாக மாறி, சமூக வலைதளங்களில் பெரும் அதிர்ச்சியை ஏற்படுத்தியுள்ளது.
ஆகஸ்ட் 24 அன்று நடந்த இந்த சம்பவத்தின் வீடியோ, ‘கர் கே கலேஷ்’ எக்ஸ் தளத்தில் பதிவானது. அதில், 25 வயது கட்டிடக் கலைஞர் கௌரவ் மிஸ்ரா மீது ராஜ் முத்து, லவ் ஷிண்டே, கார்த்திக் அமீன் ஆகிய மூவரும் இரும்புக் கம்பியால் தாக்கும் காட்சிகள் தெளிவாகப் பதிவாகியுள்ளன. மிஸ்ராவின் தலையில் கடுமையான காயம் ஏற்பட்டு தையல் போட வேண்டிய நிலை உருவானது. அப்போது பயிற்சியாளர் ஒருவர் தலையிட்டு அவரை பாதுகாப்பாக வெளியேற்றினார். பின்னர், தாக்குதலில் பயன்படுத்தப்பட்ட ஆயுதத்தை மிஸ்ராவே போலீசாரிடம் ஒப்படைத்தார்.
இந்த வீடியோ வைரலாக பரவியதால், பொதுமக்கள் கடும் கண்டனம் தெரிவித்து வருகின்றனர். “ஜிம்மில் அனைவரும் தங்கள் வலிமையை காட்ட முயற்சிக்கிறார்கள்” என்று ஒருவரும், “வெளியே வா என்ற சவாலின் விளைவு இது” என்று மற்றொருவரும் சமூக வலைதளங்களில் கிண்டலடித்துள்ளனர். சிலர், “இது மிகவும் ஆபத்தான வீடியோ… யார் யாரைக் கொல்ல முயன்றார்கள்?” என அதிர்ச்சி தெரிவித்தனர்.
இதுகுறித்து மிஸ்ரா, புதிய உறுப்பினர்களின் அடையாளத்தை சரிபார்க்காததை ஜிம் நிர்வாகத்திடம் கேள்வி எழுப்பியுள்ளார். சம்பவத்தையடுத்து வன்ராய் போலீசார் மூவரையும் விசாரணைக்கு அழைத்துள்ளனர். ஆனால், கொலை முயற்சி குற்றச்சாட்டு சேர்க்கப்படாதது விமர்சனத்தை கிளப்பியுள்ளது. இந்த சம்பவம், உடற்பயிற்சி மையங்களில் ஒழுங்கு, பாதுகாப்பு, அத்துடன் அங்கத்தினர்களின் ஆத்திரம் குறித்து பொதுமக்களிடையே தீவிரமான கவலைகளை எழுப்பியுள்ளது.
Read more: 3,400 பேர் பணிநீக்கம்.. பிரபல நிறுவனத்தின் அறிவிப்பால் கலக்கத்தில் ஊழியர்கள்..!
