காங்கிரஸ் எம்.பி. ராகுல் காந்தி இன்று நடைபெற்ற பத்திரிகையாளர் சந்திப்பில், “H Files” எனும் புதிய ஆவணத் தொகுப்பை வெளியிட்டு, ஹரியானாவில் வாக்கு திருட்டு (Vote Chori) குற்றச்சாட்டை முன்வைத்தார். அப்போது பேசிய அவர் “ஹரியானா மாநிலத்தில் மொத்தம் 25,41,144 வாக்கு திருட்டு சம்பவங்கள் பதிவாகியுள்ளன. ஒரு தொகுதி மட்டுமல்ல, முழு மாநிலத்திலும் வாக்குகளை திருடி உள்ளனர்.. தேசிய அளவிலும் ‘திருடியிருக்கிறார்கள்’ என்பதே உண்மை.”
ஹரியானா தேர்தலில் 25 லட்சம் வாக்குகள் திருடப்பட்டுள்ளன. இதில் 5.21 லட்சம் போலி வாக்காளர்கள், 93,174 தவறான வாக்குகள், 19.26 லட்சம் குழு வாக்குகள் அடங்கும். இதன் அர்த்தம் ஹரியானா வாக்காளர் பட்டியலில் உள்ள ஒவ்வொரு 8 வாக்காளரிலும் ஒருவர் போலி என்பது தெரியவந்துள்ளது.” என்று கூறினார்..
இந்த நிலையில் தமிழக முதல்வர் ஸ்டாலின் இதுகுறித்து தனது எக்ஸ் பக்கத்தில் பதிவிட்டுள்ளார்.. தனது பதிவில் “ மீண்டும் ஒருமுறை, பாஜகவின் சமீபத்திய தேர்தல் வெற்றிகளின் நம்பகத்தன்மை குறித்து கடுமையான சந்தேகங்கள் எழுப்பப்படுகின்றன. எனது சகோதரரும் மாண்புமிகு எதிர்க்கட்சி தலைவர் திரு. ராகுல்காந்தி ஹரியானாவில் நடந்த வாக்கு திருட்டு குறித்து வெளியிட்ட வலுவான சான்றுகள் அதிர்ச்சியளிக்கின்றன.
வெறுப்பு பிரச்சாரம் மற்றும் பொய்யான வாக்குறுதிகளை நம்பி பாஜக 2014 இல் ஆட்சிக்கு வந்தது. அப்போதிருந்து, மக்கள் அதன் பிளவுபடுத்தும் அரசியலை நம்புவதை நிறுத்திவிட்டனர். இப்போது, தேர்தல் முறைகேடுகளுக்கு அப்பால், அவர்கள் வாக்காளர் பட்டியலைத் திருடி, மக்களின் வாக்குகளை திருடுகிறார்கள் என்பது வெளிச்சத்திற்கு வந்துள்ளது.
அடுத்து வருவது இன்னும் ஆபத்தானது, SIR என்ற போர்வையில் குடிமக்களின் ஒழுங்கமைக்கப்பட்ட வாக்குரிமை பறிப்புக்கு. பீகார் சான்றாக நிற்கிறது, இன்று வெளியிடப்பட்ட வெடிக்கும் HaryanaFiles- ம் அவ்வாறே செய்கிறது.
இந்த நாட்டு மக்கள் வரியாகச் செலுத்தி கடின உழைப்பால் சம்பாதித்த பணத்தில் செயல்படும் ஒரு சுயாதீன அமைப்பாக இருக்க வேண்டிய தேர்தல் ஆணையம், இதுவரை இவ்வளவு பெரிய அளவிலான ஆதாரங்கள் வெளியிடப்பட்ட போதிலும் குடிமக்களுக்கு எந்த விளக்கத்தையும் வழங்கவில்லை என்பது வேதனையளிக்கிறது. தேர்தல் ஆணையம் மக்களுக்கு பதிலளிக்குமா, இந்தியாவில் ஜனநாயகம் இன்னும் முழுமையாக புதைக்கப்படவில்லை என்ற நம்பிக்கையை மீண்டும் உயிர்ப்பிக்குமா?” என்று குறிப்பிட்டுள்ளார்…
