இன்றைய உலகில், குழந்தைகளை வளர்ப்பது, குறிப்பாகப் பெண் குழந்தைகளுக்கு தரமான கல்வி மற்றும் நிதிப் பாதுகாப்பை உறுதி செய்வது, பெற்றோருக்கு பெரிய பொருளாதாரச் சுமையாக இருக்கிறது. இதை மனதில் கொண்டு, 2015ஆம் ஆண்டில் இந்திய அரசு அறிமுகப்படுத்திய சுகன்யா சம்ரித்தி யோஜனா (SSY), சிறிய சேமிப்புத் திட்டங்களில் மிகவும் நம்பகமானதாகவும், உயர்ந்த வட்டி விகிதத்துடனும் (8.2% – அக்டோபர் முதல் டிசம்பர் 2025) செயல்படுகிறது.
திட்டத்தின் முக்கிய அம்சங்கள்: 10 வயதுக்குட்பட்ட பெண் குழந்தைகளுக்கே SSY கணக்கு தொடங்கலாம். பெற்றோர் அல்லது சட்டப்பூர்வ பாதுகாவலர் மட்டுமே கணக்கை பராமரிக்க முடியும். தாத்தா, பாட்டி போன்றோர் தொடங்கினால், பெற்றோர்/சட்டப்பூர்வ பாதுகாவலரிடம் மாற்றப்பட வேண்டும்.
ஒரு குடும்பத்தில் அதிகபட்சம் இரண்டு பெண் குழந்தைகளுக்கே கணக்கு தொடங்க முடியும். வருடத்திற்கு அதிகபட்ச ₹1.5 லட்சம் முதலீடு செய்யலாம், அதாவது மாதம் ₹12,500. இதை 15 ஆண்டுகள் தொடர்ந்தால் மொத்த முதலீடு ₹22.5 லட்சம் ஆகும். 8.2% வட்டியுடன் கணக்கு முதிர்ச்சி அடையும் போது, 2042 ஆம் ஆண்டில் மொத்தத் தொகை சுமார் ₹70 லட்சம் கிடைக்கும்.
குறைந்தபட்ச ₹250 செலுத்தத் தவறினால், வருடம் ₹50 அபராதம் செலுத்தி கணக்கை மீட்டெடுக்கலாம். முதலீடு, வட்டி வருமானம் மற்றும் முதிர்வுத் தொகைக்கு முழுமையான வரி விலக்கு (EEE) கிடைக்கும். அரசு ஆதரவு, உயர்ந்த வட்டி விகிதம் மற்றும் முழுமையான வரி விலக்குகள் காரணமாக, சுகன்யா சம்ரித்தி யோஜனா திட்டம் உங்கள் மகளின் எதிர்காலத்தை அமைப்பதற்கான நம்பகமான நீண்டகால முதலீட்டு வாய்ப்பாக திகழ்கிறது.
Read more: புற்றுநோய் செல்களை அழிக்க பாக்டீரியாவை மருந்தாக பயன்படுத்திய விஞ்ஞானிகள்..! புதிய விஞ்ஞான புரட்சி..
