எடையைக் குறைக்க மக்கள் பல்வேறு உணவுமுறைகளைப் பின்பற்றுகிறார்கள். ஆனால் இவற்றால் எடை இழப்பவர்களின் எண்ணிக்கை மிகக் குறைவு. ஆனால் கொரிய உணவுமுறை நிச்சயமாக உங்களில் மாற்றத்தைக் கொண்டுவரும். ஆம், கொரியர்கள் தங்கள் அழகான சருமத்திற்கும், ஆரோக்கியமான உடலுக்கும் மிகவும் பிரபலமானவர்கள். கொரிய உணவில் புதிய காய்கறிகள், கடல் உணவுகள் மற்றும் பழங்கள் நிறைந்துள்ளன. இந்த வகை உணவுமுறை உங்கள் எடையைக் குறைக்க உதவுவது மட்டுமல்லாமல், உங்களை அழகாகக் காட்டவும் உதவுகிறது.
கொரிய உணவுமுறையில் நார்ச்சத்து அதிகம் உள்ள காய்கறிகள் அவசியம் இடம்பெறும். குறிப்பாக கடல் உணவுகள். இந்த உணவு உங்கள் எடையைக் குறைக்க உதவுவது மட்டுமல்லாமல், உங்கள் செரிமான சக்தியையும் பலப்படுத்துகிறது. இது உங்கள் சருமத்தை ஆரோக்கியமாகவும், பொலிவுடனும் மாற்றுகிறது. அவர்கள் சாப்பிடும் உணவுகளை உங்கள் அன்றாட உணவில் சேர்த்துக் கொண்டால், நீங்கள் நிச்சயமாக எடையைக் குறைப்பீர்கள். வயிறும் சுருங்கிவிடும்.
தவறாமல் உடற்பயிற்சி: கொரிய உணவு முறைகளை பின்பற்றும் அதேவேளையில் கண்டிப்பாக ஒவ்வொரு நாளும் உடற்பயிற்சி செய்ய வேண்டும். இதற்காக, நீங்கள் யோகா, நடைபயிற்சி அல்லது சைக்கிள் ஓட்டுதல் போன்ற உடல் செயல்பாடுகளைச் செய்ய வேண்டும். இவை உங்கள் எடையை விரைவாகக் குறைக்க உதவும். இந்தப் பயிற்சிகள் கலோரிகளை எரிப்பது மட்டுமல்லாமல், உங்கள் உடலை ஆரோக்கியமாகவும் வைத்திருக்கும்.
சிற்றுண்டிகளை தவிர்க்க வேண்டும்: கொரிய எடை இழப்பு உணவுமுறை என்பது பாரம்பரிய கொரிய உணவை அடிப்படையாகக் கொண்ட சீரான, ஆரோக்கியமான உணவை உட்கொள்வதாகும். நீங்கள் எதை வேண்டுமானாலும் சாப்பிட்டால், உங்கள் உடல் எடை கணிசமாக அதிகரிக்கும். நீங்கள் எடை அதிகரிக்க விரும்பவில்லை என்றால், உங்கள் உணவுப் பசியைக் கட்டுப்படுத்த வேண்டும். இதற்காக, உங்கள் உணவில் அதிக சிற்றுண்டிகளைச் சேர்க்க வேண்டாம்.
கொஞ்சம் சாப்பிடுதல்: கொரியர்கள் ஒருபோதும் ஒரே நேரத்தில் அதிகமாக சாப்பிடுவதில்லை. அவர்கள் தங்கள் உணவில் பகுதி கட்டுப்பாட்டை கண்டிப்பாக பின்பற்றுகிறார்கள். நீங்கள் அவர்களைப் போல இருக்க விரும்பினால், ஒரே நேரத்தில் அதிகமாக சாப்பிட வேண்டாம்.
கொரியர்களைப் போல நீங்கள் ஆரோக்கியமாக இருக்க விரும்பினால், உங்கள் உணவில் சில மாற்றங்களைச் செய்வது அவசியம். குறிப்பாக, சர்க்கரை, பால் பொருட்கள் மற்றும் அதிக கொழுப்புள்ள உணவுகளைக் குறைக்க வேண்டும். அதற்கு பதிலாக, நீங்கள் அதிக காய்கறிகள், அரிசி, இறைச்சி மற்றும் மீன் ஆகியவற்றைச் சாப்பிட வேண்டும்.
