தபால் அலுவகங்களில் சிறியவர்கள், பெரியவர்கள், பெண்கள் மற்றும் மூத்த குடிமக்கள் என அனைவருக்கு ஏற்ற விதமான சேமிப்பு திட்டங்கள் உள்ளது. இதில் சரியான திட்டங்களை தேர்ந்தெடுத்து டெபாசிட் செய்யும் போது, முதலீட்டாளர்கள் நல்ல லாபத்தை பெறலாம்.
இன்றைய காலக்கட்டத்தில் அனைவரும் சேமிக்க விரும்பும் நிலையில், போஸ்ட் ஆபீஸில் நல்ல முதலீட்டு திட்டங்கள் உள்ளன. பாதுகாப்பான டெபாசிட், நல்ல வருமானம் தபால் அலுவலக திட்டங்களில் கிடைக்கும். அத்துடன் போஸ்ட் ஆபீஸ் திட்டங்களில் ரிஸ்க் கிடையாது. அஞ்சல் அலுவலத்தில் கிராப்புற மக்களுக்காக கிராம சுரக்ஷா யோஜனா திட்டம் உள்ளது. பிரத்யேகமாக கிராப்புற மக்களுக்காக இந்த திட்டம் உள்ளது.
இந்தத் திட்டத்தில் நீங்கள் வருடத்திற்கு குறைந்தபட்சம் ரூ. 10,000 முதல் அதிகபட்சம் ரூ. 10 லட்சம் வரை முதலீடு செய்யலாம். பிரீமியத்தை மாதாந்திர, காலாண்டு, அரையாண்டு அல்லது வருடாந்திர தவணைகளில் செலுத்த நீங்கள் தேர்வு செய்யலாம். உதாரணமாக, நீங்கள் 19 வயதாக இருக்கும்போது இந்தத் திட்டத்தில் சேருகிறீர்கள் என்று வைத்துக்கொள்வோம். நீங்கள் மாதத்திற்கு ரூ.1515 செலுத்த வேண்டும். அதாவது, நீங்கள் ஒரு நாளைக்கு ரூ.50 டெபாசிட் செய்ய வேண்டும்.
இந்த வழியில், நீங்கள் 55 வயது வரை பிரீமியம் செலுத்த வேண்டும். முதிர்ச்சியின் போது நீங்கள் ரூ.35 லட்சத்தைப் பெறலாம். உங்கள் முதலீட்டைத் தவிர, அரசாங்கம் ஒரு போனஸையும் செலுத்துகிறது. இது மொத்த லாபத்தை மேலும் அதிகரிக்கிறது. சந்தை அடிப்படையிலான திட்டங்களுடன் ஒப்பிடும்போது இது நிலையான வருமானத்தை வழங்குகிறது.
இது ஒரு சேமிப்பு மட்டுமல்ல, ஆயுள் காப்பீடு போன்ற பாதுகாப்பையும் வழங்குகிறது. துரதிர்ஷ்டவசமாக முதிர்ச்சியடைவதற்கு முன்பு நபர் இறந்துவிட்டால், முழுத் தொகையும் பரிந்துரைக்கப்பட்டவருக்கு வழங்கப்படும். இது குடும்பத்திற்கு ஒரு சிறந்த உத்தரவாதமாகும். நீங்கள் மாதத்திற்கு அதிக பிரீமியம் செலுத்தினால், அதிக வருமானம் கிடைக்கும்.
Read more: சென்னை வந்த விமானத்தில் திடீர் தீ விபத்து.. பரபரப்பான விமான நிலையம்..!!
