கனமழையால் ஏற்பட்ட பல நிலச்சரிவுகளால் சாலைப் போக்குவரத்து தடைபட்டதால், வடக்கு சிக்கிமில் உள்ள சுங்தாங்கில் குறைந்தது 200 சுற்றுலாப் பயணிகள் சிக்கிக்கொண்டதாக அதிகாரிகள் தெரிவித்தனர். இதுகுறித்து விவரங்களை அளித்த மங்கன் மாவட்ட ஆட்சியர் அனந்த் ஜெயின், செவ்வாய்க்கிழமை இரவு முக்கியமான சுங்தாங்-லாச்சென் வழித்தடத்தில் நிலச்சரிவுகள் ஏற்பட்டதாகவும், இதனால் லாச்சென் நோக்கிச் சென்ற சுற்றுலாப் பயணிகள் பாதியிலேயே சிக்கிக்கொண்டதாகவும் கூறினார்.
சிக்கிக்கொண்ட பயணிகள் சுங்தாங்கில் உள்ள ITBP முகாம் மற்றும் ஒரு குருத்வாராவில் இரவு தங்க வைக்கப்பட்டனர் என்று அவர் கூறினார்.
எல்லை சாலைகள் அமைப்பின் (BRO) சீரமைப்புப் பணிகள் நடைபெற்று வருகின்றன. வானிலை நிலவரத்தைப் பொறுத்து, சாலைகள் பாதுகாப்பானவை என அறிவிக்கப்பட்ட பின்னரே அதிகாரிகள் நிலைமையை ஆய்வு செய்து பயணத்திற்கு அனுமதி அளிக்கக்கூடும் என்று அதிகாரிகள் தெரிவித்தனர். சில சுற்றுலாப் பயணிகள் பின்னர் காங்டாக்கிற்குத் திரும்பி, தங்கள் பயணத் திட்டங்களை ரத்து செய்துவிட்டனர் என்றும் அவர்கள் கூறினர்.
இதனிடையே, செவ்வாய்க்கிழமை இரவு மூடப்பட்டிருந்த லாச்சுங் செல்லும் சாலை சீரமைக்கப்பட்டு, அப்பகுதியிலிருந்து வந்த சுற்றுலாப் பயணிகள் புதன்கிழமை காலை பாதுகாப்பாக காங்டாக்கிற்குத் திருப்பி அனுப்பப்பட்டனர்.
கடும் பனிப்பொழிவு காரணமாக முக்கிய சுற்றுலாத் தலங்கள் மூடப்பட்டன.
இப்பகுதியில் விட்டுவிட்டு மழை பெய்து வருவதால், நிலைமை உன்னிப்பாகக் கண்காணிக்கப்பட்டு வருவதாக அதிகாரிகள் தெரிவித்தனர். 2023-ஆம் ஆண்டு ஏற்பட்ட பனிப்பாறை ஏரி உடைப்பு வெள்ளத்தில் (GLOF) கடுமையாக சேதமடைந்த லாச்சென் வழித்தடம், மார்ச் 9 அன்றுதான் மீண்டும் திறக்கப்பட்டது.
மேலும், கடந்த சில நாட்களாக பெய்து வரும் கனத்த பனிப்பொழிவு காரணமாக, சோம்கோ ஏரி மற்றும் நாதுலா போன்ற முக்கிய சுற்றுலாத் தலங்கள் மூடப்பட்டே இருக்கின்றன.
Read More : இந்தியாவில் மீண்டும் லாக்டவுன்..? பிரதமர் மோடியின் பேச்சால் மக்கள் குழப்பம்.. உண்மை என்ன..?
