உடல் எடை குறைந்தது குறித்து நடிகர் ரோபோ ஷங்கர் விளக்கம் அளித்துள்ளார்.
சின்னத்திரையில் இருந்து வெள்ளித்திரைக்கு வந்து வெற்றி பெற்ற சில நடிகர்களில் ரோபோ ஷங்கரும் ஒருவர். தனுஷ், அஜித், விஷ்ணு விஷால் உள்ளிட்ட பல ஹீரோக்களின் படங்களில் அவர் காமெடியனாக நடித்திருக்கிறார். ரோபோ ஷங்கர் சமீப காலத்தில் திடீரென உடல் மெலிந்துபோனது அவரது ரசிகர்களுக்கு பெரும் அதிர்ச்சியை ஏற்படுத்தியிருந்தது. அவரது புகைப்படங்களை பார்த்து ‘என்ன தான் ஆச்சு அவருக்கு’ என ரசிகர்கள் சோகத்துடன் கேட்டு வந்தனர்.
இந்நிலையில், சமீபத்திய பேட்டியில் ரோபோ ஷங்கர் தனக்கு என்ன தான் ஆச்சு என கூறி இருக்கிறார். அதாவது, ”ஆரம்பத்தில் உடல் எடையை குறைக்கலாம் என டயட் இருந்தேன். ஆனால், அந்த நேரத்தில் மஞ்சள் காமாலை நோய் வந்துவிட்டது. இரண்டும் சேர்ந்து என் உடலை உருக்கிவிட்டது” என்றார். “ஆனால் நான் இறந்துவிட்டேன் என்று கூட சிலர் பொய்யாக எழுதுகிறார்கள்” என ரோபோ ஷங்கர் சோகத்துடன் பேசி இருக்கிறார்.
