ஜம்மு-காஷ்மீரின் கிஷ்த்வார் மாவட்டத்தில் உள்ள சஷோதியில் இன்று பெரும் மேக வெடிப்பு ஏற்பட்டது.. இதனால் திடீர் வெள்ளப்பெருக்கு ஏற்பட்டது. மச்சைல் மாதா யாத்திரையின் தொடக்க இடத்திற்கு அருகில் இந்த சம்பவம் நிகழ்ந்தது. இதில் பல கட்டிடங்கள் வெள்ளத்தில் அடித்து செல்லப்பட்டன.. இந்த வெள்ளப்பெருக்கில் முதலில் 10 பேர் பலியானதாக தகவல் வெளியானது.. இந்த நிலையில் தற்போது பலி எண்ணிக்கை 30ஆக உயர்ந்துள்ளது. மேலும் 120 பேர் காயமடைந்திருக்கலாம் என்றும், பலர் வெள்ளத்தில் சிக்கியிருக்கலாம் என்றும் அஞ்சப்படுகிறது..
வெள்ளம் பாதித்த பகுதிகளில் மீட்பு நடவடிக்கைகள் நடந்து வருகின்றன. துணை ஆணையர் கிஷ்த்வார் பங்கஜ் சர்மா, அப்பகுதியில் உள்ள ஒரு சமூக சமையலறை அடித்துச் செல்லப்பட்டதை உறுதிப்படுத்தினார். “கிஷ்த்வாரில் உள்ள சஷோதி பகுதியில் திடீர் வெள்ளம் ஏற்பட்டுள்ளது. மீட்பு நடவடிக்கைகள் தொடங்கப்பட்டுள்ளன,” என்று அவர் கூறினார்.
மீட்புப் பணிகள் தீவிரம்
எஸ்.ஆர்.டி.எஃப், உள்ளூர் காவல்துறை மற்றும் நிர்வாகம் சம்பவ இடத்திற்கு விரைந்தன. என்.டி.ஆர்.எஃப் குழுவும் சம்பவ இடத்திற்கு விரைந்துள்ளது. ராணுவம், விமானப்படை குழுக்களும் தீவிரப்படுத்தப்பட்டுள்ளன. தேடுதல் மற்றும் மீட்பு நடவடிக்கைகள் நடைபெற்று வருகின்றன..
சேத மதிப்பீடு மற்றும் மருத்துவ ஏற்பாடுகள் செய்யப்பட்டு வருவதாக அதிகாரிகள் தெரிவித்தனர். இருப்பினும், உயிரிழப்புகள் குறித்த அதிகாரப்பூர்வ உறுதிப்படுத்தல் இன்னும் வெளியாகவில்லை..
இதனிடையே. அடுத்த 4-6 மணி நேரத்தில் ஜம்மு-காஷ்மீரின் பல பகுதிகளில் மிதமானது முதல் கனமழை பெய்யும் என்று ஸ்ரீநகர் வானிலை ஆய்வு மையம் எச்சரிக்கை விடுத்துள்ளது. சில இடங்களில் இடி, மின்னல் பலத்த காற்றுடன் கூடிய கனமழை பெய்யும் என்று தெரிவிக்கப்பட்டுள்ளது.. லுடன் கூடிய மழை, மின்னல் மற்றும் பலத்த காற்று ஆகியவை அடங்கும்.
ஜம்மு காஷ்மீர் எதிர்க்கட்சித் தலைவரும் உள்ளூர் எம்.எல்.ஏ.வுமான சுனில் குமார் சர்மாவிடமிருந்து அவசரச் செய்தியைப் பெற்ற பிறகு, துணை ஆணையரிடம் பேசியதாக மத்திய இணை அமைச்சர் டாக்டர் ஜிதேந்திர சிங் தெரிவித்தார்.
ஜம்மு-காஷ்மீர் முதல்வர் உமர் அப்துல்லா உள்துறை அமைச்சர் அமித் ஷாவிடம் பேசி உள்ளார்.. மேக வெடிப்பு காரணமாக சஷோட்டியில் திடீர் வெள்ளத்தை தொடர்ந்து தற்போதுள்ள நிலைமை குறித்து அமித்ஷா கேட்டறிந்தார்..
இதுகுறித்து அமித்ஷா தனது எக்ஸ் பக்கத்தில் பதிவிட்டுள்ளார்.. அவரின் பதிவில் “ கிஷ்த்வார் மாவட்டத்தில் ஏற்பட்ட மேகமூட்டம் குறித்து ஜம்மு-காஷ்மீர் துணை ஆளுநர் மற்றும் முதல்வருடன் பேசினேன். உள்ளூர் நிர்வாகம் நிவாரணம் மற்றும் மீட்பு நடவடிக்கைகளை மேற்கொண்டு வருகிறது. தேசிய பேரிடர் மீட்புப் படையினர் உடனடியாக சம்பவ இடத்திற்கு விரைந்துள்ளனர்.
நிலைமையை உன்னிப்பாகக் கண்காணித்து வருவதாகவும், ஒவ்வொரு சூழ்நிலையிலும் ஜம்மு-காஷ்மீர் மக்களுடன் உறுதியாக நிற்கிறோம்.. தேவைப்படும் மக்களுக்கு அனைத்து சாத்தியமான உதவிகளும் உறுதியளிக்கப்பட்டுள்ளன.” என்று பதிவிட்டுள்ளார்.
இந்த நிலையில் ஜம்மு காஷ்மீரில் வெள்ளத்தால் பாதிக்கப்பட்ட மக்களுக்கு தேவையான அனைத்து உதவிகளும் வழங்கப்படும் என்று பதிவிட்டுள்ளார். அவரின் பதிவில் ” ஜம்மு காஷ்மீரின் கிஷ்த்வாரில் மேகமூட்டம் மற்றும் வெள்ளத்தால் பாதிக்கப்பட்ட அனைவருக்கும் எனது எண்ணங்களும் பிரார்த்தனைகளும் உள்ளன. நிலைமை உன்னிப்பாகக் கண்காணிக்கப்படுகிறது. மீட்பு மற்றும் நிவாரணப் பணிகள் நடைபெற்று வருகின்றன. தேவைப்படுபவர்களுக்கு சாத்தியமான அனைத்து உதவிகளும் வழங்கப்படும்.” என்று குறிப்பிட்டுள்ளார்..
Read More : Flash : ஜம்மு காஷ்மீர் மேக வெடிப்பு : பலி எண்ணிக்கை 20 ஆக உயர்வு ? மீட்புப் பணிகள் தீவிரம்..
