வாஸ்து சாஸ்திரப்படி மட்டுமின்றி ஆன்மிக ரீதியாகவும் ஒரு வீட்டில் மிக முக்கியமான இடங்களில் பூஜை அறையும் ஒன்று. நாம் வீட்டின் பூஜை அறையை எப்படி வைத்திருக்கிறோம் என்பதை பொறுத்து தான், அந்த வீட்டின் செல்வ நிலை, மகிழ்ச்சி, நிம்மதி ஆகியவை அமையும். பூஜை அறையில் நாம் வைக்கக் கூடிய மற்றும் தினசரி பயன்படுத்தக் கூடிய சில பொருட்களுக்கு அதிர்ஷ்டம், செல்வ வளம், வெற்றி, மகிழ்ச்சி ஆகியவற்றை ஈர்க்கும் சக்தி உண்டு.
பூஜை அறையில் இருக்கும் நேர்மறை ஆற்றல்கள், தெய்வீக தன்மைகளை மேலும் அதிகரிக்க பூஜை அறையில் சில குறிப்பிட்ட பொருட்கள் கண்டிப்பாக இருக்க வேண்டும். இவைகள் இருந்தால் நிச்சயம் தெய்வம் உங்கள் வீட்டில் வந்து நிரந்தரமாக குடிகொள்ளும்.
சில குறிப்பிட்ட பொருட்கள் பூஜை அறையில் கண்டிப்பாக இருக்க வேண்டும். இவைகள் வீட்டில் இருப்பதால் வீட்டின் பொருளாதார நிலையும் சரி, தெய்வீக தன்மையும் சரி உயர்ந்து கொண்டே இருக்கும். பூஜை அறையில் நாம் செய்யக் கூடிய சில விஷயங்கள் வீட்டில் தெய்வ சக்தியை ஈர்த்து, வீட்டில் நிரந்தமாக தங்க செய்யும். அப்படி என்னென்ன பொருட்களை வீட்டின் பூஜை அறையில் கண்டிப்பாக வைத்திருக்க வேண்டும் என்பதை தெரிந்து கொள்ளலாம்.
பூஜை அறையில் சுவாமி படங்கள், முன்னோர்களின் புகைப்படங்களை வைத்து வழிபடுவது வழக்கம். ஆனால், பூஜை அறையில் கண்ணாடி ஒன்று வைப்பது பல அற்புதங்களை நிகழ்த்தும் என்பது உங்களுக்குத் தெரியுமா? முன்னோர்கள் காலம் தொட்டு, பூஜை அறையில் கண்ணாடி வைக்கும் பழக்கம் இருந்து வருகிறது. இது அதிர்ஷ்டத்தை ஈர்க்கும் ஒரு சக்தி வாய்ந்த முறையாகக் கருதப்படுகிறது. குறிப்பாக, நம்முடன் இருக்கும் குலதெய்வம் மற்றும் பித்ருக்கள் போன்ற மறைமுகத் தெய்வங்கள் கண்ணாடியில் பிரதிபலிப்பதாக சாஸ்திரங்கள் கூறுகின்றன. தங்கள் குலதெய்வம் எது என்று தெரியாதவர்கள், பூஜை அறையில் உள்ள கண்ணாடிக்கு சந்தனப் பொட்டு வைத்து வழிபட்டால், குலதெய்வம் அந்தக் கண்ணாடியில் முகம் காட்டி ஆசிர்வதிக்கும் என்பது ஐதீகம்.
பூஜை அறையில் கண்ணாடி வைப்பதன் மூலம், எதிர்மறை சக்திகள் விலகி, வீட்டில் நேர்மறை ஆற்றல் பெருகும் என்றும் நம்பப்படுகிறது. மேலும், நாம் இறைவனை வழிபடும்போது, கண்ணாடியில் பிரதிபலிக்கும் நம் உருவம், நம் நாடியைத் திறக்கும் சக்தி கொண்டதாம். தெய்வத்தின் அருகில் இருக்கும் கண்ணாடி, தெய்வீக நாடியையும் மனித நாடியையும் ஒன்றிணைத்து, வீட்டில் உள்ள தீய சக்திகளை வெளியேற்றி, நம் பிரார்த்தனைகளை பலிக்கச் செய்யும் என்று கூறப்படுகிறது.
முன்னோர்களின் படம் இல்லாத வீடுகளில், கண்ணாடி வைத்து பூஜை செய்தால், முன்னோர்கள் மகிழ்வார்கள் என்பது ஒரு தனிச் சிறப்பாகும். அமாவாசை, தீபாவளி நோன்பு போன்ற நாட்களில், முகம் பார்க்கும் கண்ணாடியை ஒரு தெய்வமாக மதித்து முன்னோர்கள் வழிபட்டனர். சிலருக்கு தங்கள் முன்னோர்களின் புகைப்படம் அல்லது குலதெய்வத்தின் புகைப்படம் இல்லாதபோது, இந்தக் கண்ணாடியை வைத்து வணங்கினால், முன்னோர்களின் ஆத்மாக்கள் கண்ணாடியில் தங்கள் முகத்தைப் பார்த்து மகிழ்ந்து ஆசிர்வதிக்கும் என்று நம்பப்படுகிறது.
வீட்டிற்கு வெளியே இருந்து வருபவர்களின் முகம் நேரடியாகத் தெரியும்படி வீட்டின் நுழைவாயிலுக்கு அருகில் கண்ணாடி வைத்தால், அதனால் உண்டாகும் கண் திருஷ்டி வீட்டிற்குள் நுழையாது என்பது இன்னொரு முக்கியமான வாஸ்து விதி.
பூஜை அறையில் கண்ணாடியை வைக்கும்போது, அதன் திசை முக்கியம். கண்ணாடியை கிழக்கு நோக்கியோ அல்லது வடக்கு நோக்கியோ திசையில் வைக்க வேண்டும். புதிய, பழுதற்ற கண்ணாடியைப் பயன்படுத்துவது அவசியம். கண்ணாடி, மகாலட்சுமியின் ஆதிக்கம் பெற்ற பொருளாகக் கருதப்படுவதால், இது வீட்டில் செல்வச் செழிப்பையும் கொண்டு வரும் என்று நம்பப்படுகிறது. இந்த எளிய வாஸ்து விதியைப் பின்பற்றுவதன் மூலம், உங்கள் வாழ்வில் உள்ள தடைகளை நீக்கி, மகிழ்ச்சியையும், அமைதியையும் பெறலாம்.
Readmore: காலை உணவாக இதை சாப்பிடவே கூடாது.. கல்லீரல் பாதிப்பு ஏற்படுமாம்..!! எச்சரிக்கும் நிபுணர்கள்
