நான்கு திவ்ய தேசங்கள் ஒரே இடத்தில் அமைந்த அற்புத தலம்.. எங்க இருக்கு தெரியுமா..?

திருமாலின் 108 திவ்ய தேசங்களில் முக்கிய இடம் வகிக்கும் உலகளந்த பெருமாள் கோவில், தனிச்சிறப்புகளால் பக்தர்களை ஈர்த்துவருகிறது. காஞ்சிபுரத்தில் உள்ள இந்த தலம் 47வது திவ்ய தேசமாக கருதப்படுகிறது. இந்த கோவிலுக்குள்ளாகவே நான்கு திவ்ய தேசங்கள் திருக்காரகம், திருப்பாடகம், திருஊரகம் மற்றும் திருநீரகம் ஆகியவை அமைந்துள்ளன என்பது இதன் முக்கிய தனிச்சிறப்பாகும். இது, 108 திவ்ய தேசங்களில் வேறெங்கும் காண முடியாத அமைப்பாகும்.

இக்கோவிலில் வீற்றிருக்கும் மூலவர் உலகளந்த பெருமாள், 35 அடி உயரத்தில், வலது காலை ஊன்றி, இடது காலை தூக்கிய நிலையில் காட்சி தருகிறார். இந்த கோலம், மகாபலி மன்னனிடம் மூன்றடி நிலம் பெற்ற விஷ்ணுவின் வாமன அவதாரத்தை பிரதிபலிக்கிறது.

பாகவத புராணத்தில் வரும் கதைக்கேற்ப, மகாபலியின் தலையை மூன்றாவது அடியாக வைத்து அளந்த பெருமாள், இங்கே திரிவிக்ரமன் எனவும், உலகளந்த பெருமாள் எனவும் அறியப்படுகிறார். இந்தக் கோவில் வளாகத்தில் உள்ள நான்கு தலங்களில், திருஊரகம் குழந்தைப் பேறு வேண்டுவோருக்கு சிறப்பு தரிசனமாக கருதப்படுகிறது. திருக்காரகம், திருப்பாடகம் மற்றும் திருநீரகம் ஆகிய தலங்கள் தல வரலாற்று சிறப்புகளுடன் கூடியவை.

பல்லவ, சோழ, விஜயநகர, நாயக்கர் அரசர்களால் வளர்ச்சியடைந்த இந்த ஆலயம், காமாட்சி அம்மன் கோவிலுக்கு அருகில் அமைந்துள்ளது. மூன்று தள ராஜகோபுரம், நாக தீர்த்தம், தனிச் சன்னதியில் அமிர்தவல்லி நாச்சியார் ஆகியவை பக்தர்களை கவரும் அம்சங்கள்.

வாமன ஜெயந்தி, தை மாத பிரம்மோற்சவம், சித்திரை தேர்த்திருவிழா, மார்கழி வைகுண்ட ஏகாதசி என பல்வேறு பண்டிகைகள் கோலாகலமாக நடைபெறுகின்றன. சங்கு, சக்கரம் ஏந்திய ஆஞ்சநேயரின் சிறப்புவேடமும், இந்த ஆலயத்தில் ஒரு மற்றுமொரு முக்கிய புண்ணிய தரிசனமாகக் கருதப்படுகிறது.

Read more: Vastu Tips: புதிய வீட்டிற்கு குடிபெயரும் முன் இந்த விஷயங்களை மறந்துவிட கூடாது..!!