நடிகர் மனோபாலா உடல்நலக்குறைவு காரணமாக இன்று காலமானார். அவரது மறைவுக்கு திரையுலகினர் பலரும் இரங்கல் தெரிவித்து வரும் நிலையில், சமூக வலைதள பக்கத்தில் அவர் கடைசியாக பதிவிட்ட பதிவு ஒன்று வைரலாகி வருகிறது.
மனோபாலா காமெடி நடிகராகவும் குண சித்திர வேடத்திலும், சின்னத்திரையும், வெள்ளித்திரைகளிலும் நடிகராகவும் ஒரு இயக்குனராகவும் வலம் வந்து கொண்டிருந்தார். இவர் திரை உலகில் ஆரம்பமானது என்னவோ இயக்குனராகத்தான். அதற்கு பிறகு தான் நடிகராக மாறி இருக்கிறார். இந்நிலையில், தன்னுடைய 69-வது வயதில் உடல்நலக்குறைவால் மரணமடைந்திருக்கிறார். அவருடைய இறப்பு ரசிகர்கள் மட்டுமல்லாமல் பிரபலங்களையும் அதிர்ச்சியடைய வைத்துள்ளது. இவருடைய இறப்பிற்கு நடிகர் ரஜினிகாந்த் முதல் வடிவேலு, கருணாஸ் என பல பிரபலங்களும் தொடர்ந்து தங்களுடைய வருத்தத்தை தெரிவித்து வருகின்றனர்.
இந்நிலையில் கடைசியாக நடிகர் மனோபாலா தன்னுடைய இன்ஸ்டாகிராம் பக்கத்தில் வெளியிட்ட பதிவு தற்போது சமூக வலைதளத்தில் வைரல் ஆகி வருகிறது. மனோபாலாவை இன்ஸ்டாகிராம் பக்கத்தில் 58 கே பாலோவர்ஸ் பின் தொடர்கின்றனர். கடைசியாக அவர் தன்னுடைய இன்ஸ்டாகிராம் பக்கத்தில் மார்ச் 16ஆம் தேதி புகைப்படம் ஒன்றை வெளியிட்டு இருக்கிறார். அந்த புகைப்படம் தற்போது வைரலாகி வருகிறது. இந்த புகைப்படத்திற்கு அதிகமானோர் தற்போது இரங்கல் செய்தி தெரிவித்து வருகின்றனர்.
