ஐரோப்பாவின் பல முன்னணி விமான நிலையங்கள் சைபர் தாக்குதலால் பாதிக்கப்பட்டுள்ளன.. இதனால் விமானப் போக்குவரத்து பாதிக்கப்பட்டு, விமான நடவடிக்கைகளில் தாமதம் ஏற்பட்டுள்ளது.. செக்-இன் மற்றும் போர்டிங் அமைப்புகளை குறிவைத்து இந்த சைபர் தாக்குதல் நடந்ததாக அதிகாரிகள் தெரிவித்துள்ளன..
ஐரோப்பா முழுவதும் உள்ள பல விமான நிலையங்கள் பயணிகள் தங்கள் விமான நிலையை சரிபார்க்க அறிவுறுத்தி, சிரமத்திற்கு மன்னிப்பு கேட்டுக்கொள்வதாக அறிக்கைகளை வெளியிட்டன.
பிரஸ்ஸல்ஸ் விமான நிலையம் வெளியிட்டுள்ள அறிக்கையில், சைபர் தாக்குதலின் காரணமாக, இங்கு கைமுறையாக செக்-இன் மற்றும் போர்டிங் மட்டுமே சாத்தியமாகி உள்ளது.. இந்த சம்பவம் விமான அட்டவணைகளில் “பெரிய தாக்கத்தை” ஏற்படுத்தியது என்றும் கூறியது.
மேலும் “செப்டம்பர் 19, வெள்ளிக்கிழமை இரவு, பிரஸ்ஸல்ஸ் விமான நிலையம் உட்பட பல ஐரோப்பிய விமான நிலையங்களை பாதிக்கும் செக்-இன் மற்றும் போர்டிங் அமைப்புகளுக்கான சேவை வழங்குநருக்கு எதிராக சைபர் தாக்குதல் நடத்தப்பட்டது” என்று அந்த அறிக்கையில் கூறப்பட்டுள்ளது.
பெர்லினின் பிராண்டன்பர்க் விமான நிலைய அதிகாரிகள், பயணிகள் கையாளும் அமைப்புகளுக்கான சேவை வழங்குநர் வெள்ளிக்கிழமை மாலை தாக்கப்பட்டதாகவும், விமான நிலைய ஆபரேட்டர்கள் அமைப்புகளுக்கான இணைப்புகளைத் துண்டிக்கத் தூண்டியதாகவும் தெரிவித்தனர்.
ஐரோப்பாவின் பரபரப்பான விமான நிலையமான லண்டன் ஹீத்ரோ விமான நிலையம், இதை “தொழில்நுட்பப் பிரச்சினை” என்று குறிப்பிட்டது.. இது செக்-இன் மற்றும் போர்டிங் அமைப்புகளுக்கான சேவை வழங்குநரை பாதித்தது.
ஹீத்ரோ விமான நிலையம் வெளியிட்டுள்ள அறிக்கையில் “உலகளவில் பல விமான நிலையங்களில் பல விமான நிறுவனங்களுக்கு செக்-இன் மற்றும் போர்டிங் அமைப்புகளை வழங்கும் நிறுவனம், புறப்படும் பயணிகளுக்கு தாமதத்தை ஏற்படுத்தக்கூடிய தொழில்நுட்ப சிக்கலை எதிர்கொள்கிறது,” என்று தெரிவித்துள்ளது.
இந்த தாக்கம் சில விமான நிலையங்களில் மட்டுமே உணரப்பட்டது: பிரான்சின் பாரிஸ் பகுதியில் உள்ள ரோய்ஸி, ஓர்லி மற்றும் லு போர்கெட் விமான நிலையங்கள் எந்த இடையூறுகளையும் தெரிவிக்கவில்லை.
காலின்ஸ் ஏரோஸ்பேஸ் 2018 இல் உருவாக்கப்பட்டது.. இது ஒரு அமெரிக்க விமான போக்குவரத்து மற்றும் பாதுகாப்பு தொழில்நுட்ப நிறுவனம் ஆகும்.. இந்த நிறுவனத்தின் அமைப்பு பயணிகளுக்கு நேரடி செக்-இன் வழங்காது, ஆனால் பயணிகள் தங்களைத் தாங்களே செக்-இன் செய்ய, போர்டிங் பாஸ்கள் மற்றும் பை டேக்குகளை அச்சிட மற்றும் தங்கள் சொந்த சாமான்களை அனுப்ப அனுமதிக்கும் தொழில்நுட்பத்தை வழங்குகிறது, இவை அனைத்தும் ஒரு கியோஸ்க்கிலிருந்து.
அந்நிறுவனம் வெளியிட்டுள்ள அறிக்கையி “தேர்ந்தெடுக்கப்பட்ட விமான நிலையங்களில் எங்கள் MUSE மென்பொருளில் சைபர் தொடர்பான இடையூறு இருப்பதை நாங்கள் அறிந்திருக்கிறோம். இதன் தாக்கம் மின்னணு வாடிக்கையாளர் செக்-இன் மற்றும் சாமான்கள் டிராப் ஆகியவற்றிற்கு மட்டுமே. மேலும் கைமுறை செக்-இன் செயல்பாடுகள் மூலம் இதைத் தணிக்க முடியும்,” என்று தெரிவித்துள்ளது.
Read More : H1B விசா என்றால் என்ன? அதற்காக நாம் ஏன் அமெரிக்காவிற்கு 88 லட்சம் ரூபாய் செலுத்த வேண்டும்?
