ஒரு முறை மதுரை மீனாட்சி அம்மன் கோவிலுக்குச் சென்று, உங்கள் மனக் கோளாறுகள் அனைத்தையும் அன்னையின் பாதத்தில் மனதாரச் சொல்லி வேண்டிக்கொண்டால், உங்கள் வாழ்க்கையில் ஒரு நிச்சயமான மாற்றம் நிகழும். இது வெறும் நம்பிக்கையாக மட்டுமல்ல; ஆயிரக்கணக்கானோர் உணர்ந்த, அனுபவித்த ஒரு உண்மை நிகழ்வாகவும் அமைய்கிறது. வாழ்க்கையின் பல்வேறு பிரச்சனைகளுக்கு தீர்வாக இந்த சக்தி நிலம் திகழ்கிறது.
இந்தக் கோவில், 51 சக்தி பீடங்களில் ஒன்றாக போற்றப்படுகிறது. இங்கு பார்வதி தேவி ‘மீனாட்சி’ என்றும், சிவபெருமான் ‘சுந்தரேஸ்வரர்’ என்றும் அருள்பாலிக்கின்றனர். திருமணத் தடை, குடும்ப முரண்பாடுகள், குழந்தை பற்றிய பிரச்சனைகள், தொழில் தடைகள் என எந்தவகையான பிரச்சனையாக இருந்தாலும், அன்னையின் சன்னதியில் சென்று நமஸ்காரம் செய்து மனதார முறையிட்டால், அதற்கான நிச்சயமான மாற்றங்களை பக்தர்கள் கண்டுள்ளனர்.
வேண்டுதல் நிறைவேறும் போது பக்தர்கள் பச்சை நிற புடவை, வளையல்கள், பூஜை பொருட்கள் போன்றவை அம்மனுக்கு காணிக்கையாக செலுத்துகிறார்கள். இது ஒரு நன்றியின் வெளிப்பாடாக மட்டுமல்ல, மற்றோருக்கு நம்பிக்கையை ஊட்டும் அற்புத வழிபாடாகவும் அமைகிறது.
கோவிலின் சிறப்பு பகுதிகளில் ஒன்றாக விளங்குவது பொற்றாமரை குளம். இங்கு கை, கால்களை கழுவி சுத்தம் செய்தால், கடந்த காலத்தின் பாவங்கள், கர்மங்கள் கூட விலகும் என நம்பப்படுகிறது. இந்தக் குளத்தை சுற்றி வந்து வேண்டினால், திருமண வாழ்வில் சந்தோஷம் ஏற்படும், மனக்கஷ்டங்கள் நீங்கும் என கூறப்படுகிறது.
இங்கு நடக்கும் பள்ளியறை பூஜை குறிப்பாக இரவின் நேரத்தில் நடைபெறும் இந்த விசேஷத்தில் பால், பழம், பூ ஆகியவற்றை சமர்ப்பிப்பது, திருமணம் மற்றும் குழந்தை பற்றிய பிரச்சனைகளுக்கு தீர்வை தரும். இந்தப் பூஜையில் கலந்து கொள்வது, அன்னையின் அருளை நேரடியாகப் பெறும் வாய்ப்பாக திகழ்கிறது.
மீனாட்சி அம்மனின் பச்சை கிளி ஏந்திய மரகத உருவம், சுந்தரேஸ்வரர் சிவலிங்க ரூபம், மற்றும் ஆயிரம் தூண்கள் கொண்ட மண்டபம் உள்ளிட்ட திராவிடக் கட்டிடக் கலைப் புதுமைகள் அனைத்தும் பக்தியை வளர்க்கும் சிறப்புகள். ஒரு இடத்தில் பல தெய்வங்களை தரிசிக்க முடியுமென்பது இந்தக் கோவிலின் இன்னொரு அற்புதம்.
மீனாட்சி அம்மன் சன்னிதிக்கும் சுந்தரேஸ்வரர் சன்னிதிக்கும் இடையே உள்ள மண்டபத்தின் கூரையில் சுழலும் லிங்கம் உள்ளது. எந்தவித அறிவியல் நுட்பங்களும் இல்லாத பல ஆயிரம் ஆண்டுகளுக்கு முன்பு வரையப்பட்ட இந்த சுழலும் லிங்கத்தை எப்படி உருவாக்கினார்கள் என்பதை இதுவரை யாராலும் கண்டுபிடிக்க இயலவில்லை. நீங்கள் எந்த திசையில் எந்த கோணத்தில் இருந்து பார்த்தாலும் இந்த லிங்கத்தின் அடிப்பாகம் உங்களை நோக்கியே இருக்கும்.
Read more: திருமண ஆசை காட்டி பெண்ணுடன் உல்லாசம்.. பாஜக MLA மகன் மீது காவல் நிலையத்தில் பரபர புகார்
