அனைத்து ஆண்ட்ராய்டு ஸ்மார்ட்போன் பயனர்களுக்கும் கடும் பாதுகாப்பு எச்சரிக்கை ஒன்றை இந்திய கணினி அவசரக் குழு CERT-In (Computer Emergency Response Team of India) வெளியிட்டுள்ளது.
அந்த குழு வெளியிட்டுள்ள அறிக்கையில் Google Android இயக்க முறையில் (Operating System) பல்வேறு குறைகள் கண்டறியப்பட்டுள்ளன. இதனை சைபர் தாக்குதலாளர்கள் பயன்படுத்தி, பாதிக்கப்பட்ட சாதனத்தில் அதிக நிலை அனுமதிகள் (elevated privileges) பெறவோ அல்லது தன்னிச்சையான குறியீடுகளை இயக்கவோ முடியும் என எச்சரிக்கை விடுக்கப்பட்டுள்ளது.
இதனால் பயனர்களின் தனிப்பட்ட தரவுகள், கணக்குகள் மற்றும் பயன்பாடுகள் ஆபத்துக்குள்ளாகும் வாய்ப்பு இருப்பதாகவும், CERT-In தெரிவித்துள்ளது. இதில் மிகவும் கவலைக்கிடமான விஷயம் அதன் பாதிப்பு அளவு தான்.
இந்திய கணினி அவசர அவை (CERT-In) வெளியிட்ட தகவலின்படி, Google Android அமைப்பில் கண்டறியப்பட்ட சமீபத்திய பாதுகாப்பு குறைபாடால், Android 13, Android 14,
Android 15, மற்றும் Android 16 இயக்க முறைமைகளை பயன்படுத்தும் பயனர்கள் ஹேக்கிங் ஆபத்தில் உள்ளனர்.
அதாவது, புதிய தலைமுறை ஆண்ட்ராய்டு போன்களும் கூட இந்த குறைபாட்டால் தாக்குதலுக்கு ஆளாகக்கூடும் என்று CERT-In எச்சரித்துள்ளது.இந்த தாக்குதலின் இலக்கு பயனர்கள் என்றால், Android 13, 14, 15, 16 இயங்குதளங்களில் இயங்கும் எந்த ஆண்ட்ராய்டு ஸ்மார்ட்போன் பயனர்களும் ஆகலாம்.
இந்த குறைபாட்டின் மிகப்பெரிய ஆபத்துகள் என்னென்ன?
அனுமதியில்லாத தரவுச்செலுத்தல் (Unauthorized access),
சிஸ்டம் நிலைத்தன்மை பாதிப்பு (System instability),
மேலும் தரவுகள் கசிதல் (Data breach) மற்றும் சிஸ்டம் சிதைவு (System crash) போன்ற பிரச்சினைகள் ஏற்படும் அபாயம் உள்ளது.
எளிமையாகச் சொன்னால், இந்த குறைபாடு மூலம் ஹேக்கர்கள் உங்கள் போனில் உள்ள தகவல்களை அனுமதியின்றி அணுகவோ, போனை செயலிழக்கச் செய்யவோ முடியும்..
இந்த குறைபாடுகள் தொடர்பாக, Android Bug ID, Qualcomm Reference Number, NVIDIA Reference Number, UNISOC Reference Number, மற்றும் MediaTek Reference Number ஆகியவற்றில் பல பாதுகாப்பு குறைபாடுகள் (vulnerabilities) கண்டறியப்பட்டுள்ளதாக தெரிவிக்கப்பட்டுள்ளது.
இதற்கான தீர்வு என்ன?
இந்த பிரச்சினைக்கான ஒரே உறுதியான தீர்வு — Google வெளியிட்டுள்ள சமீபத்திய Android பாதுகாப்பு (security) புதுப்பிப்பை (patch) உடனே நிறுவுவது.
உங்கள் போனில் Settings → About Phone → System Update பகுதிக்கு செல்லவும்.
அங்கு Check for updates என்பதைத் தேர்ந்தெடுத்து புதிய பாதுகாப்பு புதுப்பிப்பை நிறுவவும்.
இதை எளிமையாக வைத்திருக்க, Automatic updates என்பதை செயல்படுத்தி வைப்பது நல்லது.
உங்கள் ஆண்ட்ராய்டு சாதனத்தை உடனே புதுப்பிப்பது (update) மிக முக்கியம். இதுவே ஹேக்கிங் மற்றும் தரவு கசிவு அபாயத்திலிருந்து உங்களை பாதுகாக்கும் முதன்மை வழி ஆகும்..
