உடல் நலம் பாதிக்கப்பட்டு, மருத்துவமனையில் சிகிச்சை பெற்றுவரும் அமைச்சர் துரைமுருகனை முதல்வர் ஸ்டாலின் நேரில் சந்தித்து நலம் விசாரித்தார்..
திமுக மூத்த தலைவர்களில் ஒருவரும், அமைச்சருமான துரைமுருகன் தற்போது 87 வயதாகிறது.. வயது மூப்பு காரணமாக அவருக்கு அவ்வப்போது உடல் நலக் குறைவு ஏற்படுகிறது.. இதனால் அவர் மருத்துவமனையில் சிகிச்சை பெறுவதும் வீடு திரும்புவதும் வழக்கமாகி வருகிறது.. கடந்த மே மாதம் நெஞ்சு பகுதியில் ஏற்பட்ட அசௌகரியம் மற்றும் சளித்தொற்று காரணமாக அப்போலோவில் அனுமதிக்கப்பட்ட அவர் பின்னர் டிஸ்சார்ஜ் செய்யப்பட்டார்..
அதே போல் கடந்த ஜூன் மாதம் காய்ச்சல் காரணமாக சென்னை குரோம்பேட்டையில் உள்ள தனியார் மருத்துவமனையில் அவர் அனுமதிப்பட்டு, பின்னர் வீடு திரும்பினார்.. இதை தொடர்ந்து அவர் உடல் நிலை சீராக இருந்ததால் பல்வேறு அரசு நிகழ்ச்சிகள் மற்றும் கட்சி நிகழ்ச்சிகளில் அவர் பங்கேற்று வந்தார்..
இந்த நிலையில் அமைச்சர் துரைமுருகனுக்கு மீண்டும் உடல்நலக்குறைவு ஏற்பட்டுள்ளது.. இதனால் மருத்துவமனையில் சிகிச்சை பெற்று வருகிறார்.. இந்த நிலையில் அவரை முதல்வர் ஸ்டாலின் இன்று மருத்துவமனையில் சந்தித்து நலம் விசாரித்தார்.. அப்போது அமைச்சர் எ.வ வேலுவும் உடனிருந்தார்.. துரைமுருகன் கையில் கட்டுடன் இருப்பதும், அவரை முதல்வர் சந்தித்து பேசுவதும் போன்ற போட்டோ வெளியாகி உள்ளது..
