சமூக வலைதளங்களில் அவ்வப்போது பல்வேறு வகையான வீடியோக்கள் வைரலாகி வருகின்றன.. அந்த வகையில் வாரணாசியில் இருந்து வந்த அதிர்ச்சியூட்டும் வைரல் வீடியோ சமூக ஊடகங்களில் பரபரப்பை ஏற்படுத்தியுள்ளது. தனது மனைவியை தனது காதலனுடன் கையும் களவுமாக பிடித்த பிறகு கணவர் எடுத்த அசாதாரண முடிவை இந்த வீடியோ காட்டுகிறது.. இந்த வீடியோ பார்வையாளர்களை ஆச்சரியப்படுத்தியது மட்டுமல்லாமல், ராஜஸ்தானில் சமீபத்தில் நடந்த “ப்ளூ டிரம் சம்பவத்தை” பலருக்கும் நினைவூட்டியுள்ளது.
அந்தப் பெண் (இரண்டு குழந்தைகளின் தாய்) தனது திருமணத்தை மீறிய கள்ள உறவில் இருந்ததாக கூறப்படுகிறது.. அப்பெண்ணுக்கும் அவரின் கணவருக்கும் இடையே அடிக்கடி சண்டைகள் ஏற்பட்டதாகவும் தெரிகிறது.. தனது மனைவியின் நடத்தையில் சந்தேகம் கொண்ட அந்த நபர் அந்த பெண்ணை உளவு பார்க்க தொடங்கி உள்ளார்.. அப்போது தனது மனைவி வேறொருவருடன் உறவில் இருப்பது தெரியவந்தது..
ஆனால் தனது மனைவி அவரின் கள்ளக்காதலுடன் இருப்பதை கையும் களவுமாக பிடித்த கணவர் அதன்பின்னர் என்ன செய்தார் தெரியுமா? என்பது தான் ட்விஸ்ட்.. மனைவியை அவரின் காதலனுக்கே திருமணம் செய்து வைத்துவிட்டார்.. இதுதொடர்பான வீடியோ இணையத்தில் வைரலாகி வருகிறது..
52 வினாடிகள் கொண்ட வீடியோவில், கணவரால் ஏற்பாடு செய்யப்பட்ட திருமணத்தில் அந்தப் பெண்ணும் அவரது காதலனும் மாலைகளை பரிமாறிக் கொள்வதைக் காட்டுகிறது. வன்முறையில் ஈடுபடுவதற்குப் பதிலாக, அந்த நபர் தனது மனைவியை தனது காதலனை திருமணம் செய்து வைப்பதன் மூலம் பிரச்சனையை தீர்க்க முடிவு செய்தார்..
இந்த வீடியோ ஒரு லட்சத்திற்கும் மேற்பட்ட முறை பார்க்கப்பட்டுள்ளது.. பல பயனர்கள் இதுகுறித்து கருத்துகளை பதிவிட்டு வருகின்றனர்.. பல பயனர்கள் கணவரின் முடிவைப் பாராட்டினர், மற்றவர்கள் திருமணத்திற்குப் புறம்பான விவகாரங்களின் வளர்ந்து வரும் போக்கை விமர்சித்தனர். ஒரு பயனர், “அந்த ஏழை மனிதன் நீல டிரம்மில் இருந்து தப்பித்தான்” என்று எழுதினார். மற்றொரு பயனர், “கணவர் செய்த சிறந்த விஷயம்” என்று கருத்து தெரிவித்தார்.
ப்ளூ டிரம் சம்பவம் என்றால் என்ன?
இந்த வைரல் வீடியோ சமீபத்திய “ப்ளூ டிரம் சம்பவத்துடன்” ஒப்பிடப்படுகிறது. அந்த வழக்கில், சூரஜ் என்ற நபர், ராஜஸ்தானின் கிஷன்கர் பாஸில் ஒரு வீட்டின் கூரையில் நீல நிற பிளாஸ்டிக் டிரம்மிற்குள் இறந்து கிடந்தார். அவரது தொண்டை அறுக்கப்பட்டு, அவரது உடல் உப்புடன் மூடப்பட்டிருந்தது.
அவரது மனைவி சுனிதா மற்றும் வீட்டு உரிமையாளரின் மகன் ஜிதேந்திரா ஆகியோர் இந்த வழக்கில் குற்றம் சாட்டப்பட்டனர். அவர்களின் 8 வயது குழந்தை இந்த கொடூரத்தை நேரில் கண்டது.. மேலும் தனது தாயும் ஜிதேந்திராவும் உடலை டிரம்மில் எப்படி திணித்தார்கள் என்றும் அந்த குழந்தை போலீசாரிடம் தெரிவித்தது… இதையடுத்து இருவரும் கைது செய்யப்பட்டனர் என்பது குறிப்பிடத்தக்கது..
Read More : “எவன் கூட பேசிட்டு இருக்க”..? மணிக்கணக்கில் பேசிய மனைவியை கதிகலங்க வைத்த கணவன்..!!
