தனது மனதில் பட்டதை வெளிப்படையாகப் பேசுவதில் பிரபலமானவர் திரிணாமுல் காங்கிரஸ் எம்.பி. மஹுவா மொய்த்ரா.. அந்த வகையில் தற்போது நடிகர் பங்கஜ் திரிபாதி மீது தனக்கு மிகுந்த காதல் இருந்ததாக வெளிப்படையாக ஒப்புக்கொண்டார். சமீபத்தில் ஒரு பாட்காஸ்ட்டில் பேசிய மஹுவா தனக்குப் பிடித்த பாலிவுட் படங்கள் பற்றிப் பேசினார்.
மஹுவா மொய்த்ராவின் மிகப்பெரிய காதல்
மஹுவா, “நான் முன்னாபாய் தொடரைப் பார்த்தேன், மீண்டும் பார்ப்பேன். விக்கி டோனர் பார்த்தேன், எனக்கு அது மிகவும் பிடித்திருந்தது. பங்கஜ் திரிபாதியை நான் மிகவும் விரும்புகிறேன். மிர்சாபூர் தொடரை முழுவதுமாகப் பார்த்தேன். நான் அவருக்கு ஒரு குறிப்பு கூட எழுதினேன், அதற்கு அவர் ஒருபோதும் பதிலளிக்கவில்லை, ஆனால் ஆம், நான் அவருக்கு ஒரு குறிப்பு எழுதினேன். அவர் என் கிரஷ். அவர் மிகவும் அருமையான நடிகர் என்று நான் நினைக்கிறேன். அவர் செய்யும் மோசமான மோசமான வேடங்களை நான் விரும்புகிறேன். மிர்சாபூர், கேங்ஸ் ஆஃப் வாசிபூரில் கூட அவரை நான் விரும்பினேன்.” என்று தெரிவித்தார்..
அந்த குறிப்பில் மஹுவா என்ன எழுதியிருந்தார் என்று கேள்விக்கு பதிலளித்த அவர் “ “நான் ஒரு பெரிய ரசிகை என்றும், உன்னை ஒரு காபி குடிக்கச் சந்திக்க விரும்புகிறேன் என்றும் சொன்னேன்.” என்று தெரிவித்தார்..
மேலும் மஹுவா மோத்ரா சக எம்.பி.-நடிகர் ரவி கிஷனை பங்கஜுடன் தொலைபேசி உரையாடலுக்கு ஏற்பாடு செய்யுமாறு கேட்டுக் கொண்டார். ஆனால், தனக்கு , மஹுவா அந்த சுருக்கமான உரையாடலின் போது தான் மிகவும் அதிகமாகவும் கூச்ச சுபாவமாகவும் இருந்ததாகவும், முதலில் அவருக்கு அந்தக் குறிப்பை அனுப்பியதையே மறந்துவிட்டதாகவும் ஒப்புக்கொண்டார். அப்போது “ நான் மிகவும் உற்சாகமாக இருந்தேன், ஆனால் நான் பேசவே இல்லை.. அவருக்கு ஒரு குறிப்பு எழுதியதேயே சொல்ல மறந்துவிட்டேன்” என்று கூறினார்.
பங்கஜ் திரிபாதி கடைசியாக அனுராக் பாசுவின் ‘மெட்ரோ…இன் டினோ’ படத்தில் கொங்கனா சென்னுக்கு ஜோடியாக நடித்திருந்தார் என்பது குறிப்பிடத்தக்கது..
மஹுவா மொய்த்ரா யார்?
நாடாளுமன்றத்தில் தனது அபாரமான, துணிச்சலான பேச்சுக்கு பெயர் பெற்ற திரிணாமுல் காங்கிரஸ் எம்.பி. மஹுவா மொய்த்ரா. மஹுவா மொய்த்ரா மற்றும் பிஜு ஜனதா தளம் (பிஜேடி) தலைவர் பினாகி மிஸ்ரா ஆகியோர் மே 30, 2025 அன்று பெர்லினில் திருமணம் செய்து கொண்டனர் என்பது குறிப்பிடத்தக்கது..
