மகாராஷ்டிரா மாநிலம் புனேவைச் சேர்ந்த 83 வயது மூதாட்டி ஆல்-மகர்பட்டா சிட்டி கேரம் போட்டியின் இரட்டையர் பிரிவில் தங்கப் பதக்கத்தையும், ஒற்றையர் பிரிவில் வெண்கலப் பதக்கத்தையும் வென்றுள்ளார். இந்த நிலையில், அவர் இளம் வயது கேரம் விளையாட்டு ஆர்வலர்களுடன் இணைந்து அவர் விளையாடிய வீடியோவை அவரது பேரன் டிவிட்டரில் பகிர்ந்துள்ளார்.
![](https://1newsnation.com/wp-content/uploads/2023/01/Fl8IHxpagAIfRkn-1024x576.jpg)
புனேவின் ஆல்-மகர்பட்டா சிட்டி கேரம் போட்டியில் இரட்டையர் பிரிவில் தங்கம் மற்றும் ஒற்றையர் பிரிவில் வெண்கலம் வென்ற எனது 83 வயதான ஆஜியால் ஈர்க்கப்பட்டேன் என அவர் பதிவிட்டுள்ளார். சமூக வலைதளங்களில் வைரலாகும் இந்த வீடியோவை அக்ஷய் மராத்தே ஜனவரி 8 ஆம் தேதி பகிர்ந்துள்ளார். இதற்கு அவரின் நண்பர்கள் மற்றும் நெட்டிசன்கள் பலர் லைக்குகளையும், கமென்ட்களையும் தெரிவித்து வருகின்றனர்.