திருமண வரவேற்பு நிகழ்ச்சியில் மணமகன் மணமகளுக்கு முத்தம் கொடுத்ததால் திருமணம் நிறுத்தப்பட்ட சம்பவம் அதிர்ச்சியை ஏற்படுத்தியுள்ளது.
உத்தரப்பிரதேச மாநிலத்தில் உள்ள சாம்பல் என்ற பகுதியில் விவேக் என்ற வாலிபருக்கும் இளம்பெண் ஒருவருக்கும் திருமண வரவேற்பு நிகழ்ச்சி நடைபெற்றது. இதில், உறவினர்கள் நண்பர்கள் பலர் கலந்து கொண்ட நிலையில், மணமகன் விவேக் மணமகளுக்கு மாலை அணிவிக்கும் போது முத்தம் கொடுத்துள்ளார். இதனை சற்றும் எதிர்பாராத மணமகள், விருந்தினர்கள் முன்னிலையில் தன்னை அவர் முத்தமிட்டது எனக்கு அவமானமாக இருப்பதாகவும், இதனால் திருமணத்தை நிறுத்த போவதாகவும் அறிவித்தார்.
இதனால் குடும்பத்தினர் அதிர்ச்சி அடைந்து மணமகளை சமாதானப்படுத்த முயற்சித்தனர். ஆனால், மணமகள் கடைசிவரை சமாதானத்தை ஏற்றுக்கொள்ளாமல் அநாகரிகமாக நடந்து கொள்ளும் ஒருவரை திருமணம் செய்ய முடியாது என திருமணத்தை நிறுத்தி விட்டார். இதனால் அந்த திருமண வீட்டில் பெரும் பரபரப்பு ஏற்பட்டது.
