கால்நடைகளின் இனத்தை மேம்படுத்தவும், பால் உற்பத்தியை அதிகரிக்கவும் நந்தினி கிரிஷக் சம்ரித்தி யோஜனா திட்டத்தை உத்தரப்பிரதேச அரசு அறிமுகம் செய்துள்ளது. இத்திட்டத்தின் முதல் கட்டத்தில், யோகி அரசு பயனாளிகளுக்கு மாடுகளை வாங்குவது முதல் அவற்றின் பாதுகாப்பு மற்றும் பராமரிப்பு வரை தலா 25 கறவை மாடுகள் கொண்ட 35 யூனிட்களை அமைப்பதற்கு மானியம் வழங்கும்.
இந்த மானியம் 3 கட்டங்களாக வழங்கப்படும். ஆரம்ப கட்டத்தில், இந்த திட்டம் மாநிலத்தின் பத்து பிரிவுகளின் தலைமையக நகரங்களான அயோத்தி, கோரக்பூர், வாரணாசி, பிரயாக்ராஜ், லக்னோ, கான்பூர், ஜான்சி, மீரட், ஆக்ரா மற்றும் பரேலியில் முறையே செயல்படுத்தப்படும். பால் உற்பத்தியில் நாட்டிலேயே மாநிலம் முதலிடத்தில் உள்ளதாகவும், அதேசமயம் மாநிலத்தில் ஒரு கால்நடையின் பால் உற்பத்தித்திறன் குறைவாக உள்ளதாகவும் பால் ஆணையர் மற்றும் பணி இயக்குனரான சசி பூஷன் லால் சுஷில் தெரிவித்தார்.
நந்தினி கிரிஷக் சம்ரித்தி யோஜனா இந்தக் குறைபாட்டைப் பூர்த்தி செய்வதற்கும் மேம்பட்ட இனத்தின் பால் கறவை மாடுகளை அதிகளவில் நிறுவுவதற்கும் தொடங்கப்பட்டுள்ளது. இத்திட்டத்தின் கீழ், சாஹிவால், கிர், தார்பார்கர் மற்றும் கங்காதிரி வகை கறவை மாடுகள் மட்டுமே சேர்க்கப்பட்டுள்ளன.
பால் பண்ணைக்கு மானியம் :
இத்திட்டத்தின் கீழ் 25 கறவை மாடுகளை அமைக்க ரூ.62,50,000 செலவாகும் என மதிப்பிட்டுள்ளது. அத்தகைய சூழ்நிலையில், பயனாளிக்கு மொத்த செலவில் 50 சதவீத மானியத்தை அதாவது அதிகபட்சமாக ரூ.31,25,000 வழங்கும். முதற்கட்டமாக திட்ட மதிப்பீட்டில் 25 சதவீதம் மானியமாக யூனிட் கட்டப்படும். இரண்டாம் கட்டத்தில், 25 கறவை மாடுகளை வாங்குவதற்கும், அவற்றின் 3 ஆண்டு காப்பீடு மற்றும் போக்குவரத்துக்கு திட்ட மதிப்பீட்டில் 12.5 சதவீதம் மானியம் வழங்கப்படும். 3-வது கட்டத்தில், திட்ட மதிப்பில் மீதமுள்ள 12.5 சதவீதம் மானியமாக வழங்கப்படும்.
நிபந்தனைகள் :
இத்திட்டத்தின் கீழ் பலன்களைப் பெற, பயனாளிக்கு குறைந்தது 3 ஆண்டுகள் மாடு வளர்ப்பு அனுபவம் இருக்க வேண்டும். இதனை நிறுவ, 0.5 ஏக்கர் நிலம் இருப்பது அவசியம். பயனாளிக்கு பசுந்தீவனத்திற்காக சுமார் 1.5 ஏக்கர் நிலம் இருக்க வேண்டும். நிலம் அவருக்குச் சொந்தமாக இருக்கலாம் (மூதாதையர்) அல்லது 7 ஆண்டுகளுக்கு குத்தகைக்கு எடுத்திருக்கலாம். முன்பு செயல்படுத்தப்பட்ட கம்தேனு, மினி கம்தேனு மற்றும் மைக்ரோ கம்தேனு திட்டங்களின் பயனாளிகள் நந்தினி கிரிஷக் சம்ரித்தி யோஜனாவின் பலன்களைப் பெற முடியாது.
