மத்திய அரசை கண்டித்து நாளை 25 கோடிக்கும் மேற்பட்ட தொழிலாளர்கள் நாடு தழுவிய பாரத் பந்த்-ல் ஈடுபட உள்ளனர்..
மத்திய அரசின், தொழிலாளர் விரோத, விவசாயி விரோத, தேச விரோத கார்ப்பரேட் சார்பு கொள்கைகளுக்கு எதிர்ப்பு தெரிவித்து, பல்வேறு துறைகளைச் சேர்ந்த 25 கோடிக்கும் மேற்பட்ட தொழிலாளர்கள் நாளை நாடு தழுவிய பொது வேலைநிறுத்தத்தில் ஈடுபட உள்ளனர்.. 10 மத்திய தொழிற்சங்கங்ள் இணைந்து நடத்தும் இந்த பாரத் பந்த் காரணமாக, வங்கி, காப்பீடு, அஞ்சல், மாநில போக்குவரத்து மற்றும் பிற சேவைகள் பாதிக்கப்பட வாய்ப்புள்ளது. நாடு தழுவிய பொது வேலைநிறுத்தத்தை ஒரு பெரிய வெற்றியாக மாற்ற’ தொழிற்சங்கங்கள் அழைப்பு விடுத்துள்ளன.
25 கோடிக்கும் மேற்பட்ட தொழிலாளர்கள் வேலைநிறுத்தத்தில் பங்கேற்பார்கள் என்று எதிர்பார்க்கப்படுகிறது. நாடு முழுவதும் விவசாயிகள் மற்றும் கிராமப்புற தொழிலாளர்களும் போராட்டத்தில் கலந்து கொள்வார்கள், ”என்று அகில இந்திய தொழிற்சங்க காங்கிரஸின் (AITUC) அமர்ஜீத் கவுர் தெரிவித்துள்ளார்.
இன்று நடைபெறும் நாடு தழுவிய பொது வேலைநிறுத்தம் பல்வேறு பொது சேவைகளை பாதிக்க வாய்ப்புள்ளது. வேலைநிறுத்தம் காரணமாக வங்கி, தபால், நிலக்கரி சுரங்கம், தொழிற்சாலைகள் மற்றும் மாநில போக்குவரத்து சேவைகள் பாதிக்கப்படும் என்று கூறப்படுகிறது..
கடந்த ஆண்டு, தொழிற்சங்கங்களால் 17 கோரிக்கைகள் கொண்ட சாசனம் தொழிலாளர் அமைச்சர் மன்சுக் மண்டவியாவிடம் சமர்ப்பிக்கப்பட்டது. அரசாங்கம் தங்கள் கோரிக்கைகளை புறக்கணித்துவிட்டதாகவும், கடந்த பத்தாண்டுகளாக வருடாந்திர தொழிலாளர் மாநாட்டைக் கூட்டத் தவறிவிட்டதாகவும் தொழிற்சங்கங்கள் தெரிவித்துள்ளன.
10 மத்திய தொழிற்சங்கங்களின் கூட்டு மன்றம் இதுகுறித்து வெளியிட்டுள்ள அறிக்கையில் “ 4 தொழிலாளர் குறியீடுகளை அறிமுகப்படுத்துவது உட்பட அரசாங்கத்தின் தொழிலாளர் சீர்திருத்தங்கள் தொழிலாளர்களின் உரிமைகளை அரிக்கும் வகையில் வடிவமைக்கப்பட்டுள்ளன.” என்று தெரிவிக்கப்பட்டுள்ளது. இந்த குறியீடுகள் கூட்டு பேரம் பேசுவதை அகற்றுவது, தொழிற்சங்க நடவடிக்கைகளை பலவீனப்படுத்துவது, வேலை நேரத்தை அதிகரிப்பது மற்றும் தொழிலாளர் சட்டங்களின் கீழ் முதலாளிகளை பொறுப்புக்கூறலில் இருந்து பாதுகாப்பதை நோக்கமாகக் கொண்டுள்ளன என்று தொழிற்சங்கங்கள் குற்றம்சாட்டுகின்றன.
அரசாங்கம் நாட்டின் நலனை கைவிட்டு, வெளிநாட்டு மற்றும் இந்திய நிறுவனங்களின் நலனுக்காக செயல்படுகிறது என்றும் குற்றம்சாட்டப்படுகிறது.. வர்த்தகம், பொதுத்துறை நிறுவனங்கள் மற்றும் பொது சேவைகளை தனியார்மயமாக்குதல், அவுட்சோர்சிங், ஒப்பந்தமயமாக்கல் மற்றும் தொழிலாளர்களை தற்காலிகமாக்குதல் போன்ற கொள்கைகளுக்கு எதிராக தொழிற்சங்கங்கள் போராடி வருகின்றன.
நாடு தழுவிய பொது வேலைநிறுத்தத்திற்கு சம்யுக்த கிஷன் மோர்ச்சா மற்றும் விவசாயத் தொழிலாளர்களின் கூட்டு முன்னணி சங்கங்களு ஆதரவு தெரிவித்துள்ளன.. தொழிற்சங்கங்கள் கடந்த நவம்பர் 26, 2020, மார்ச் 28-29, 2022 மற்றும் கடந்த ஆண்டு பிப்ரவரி 16 ஆகிய தேதிகளில் இதேபோன்ற வேலைநிறுத்தங்கள் நடைபெற்றன என்பது குறிப்பிடத்தக்கது.
