மகளிர் உரிமைத் தொகை: மாநிலம் முழுவதும் உங்களுடன் ஸ்டாலின் முகாம்கள்..!! நாளை மிஸ் பண்ணிடாதீங்க மக்களே..

தமிழக அரசின் மகளிர் நலனுக்கான மிக முக்கிய திட்டங்களில் ஒன்றாக மாறியுள்ள “கலைஞர் மகளிர் உரிமைத் தொகை” திட்டத்திற்கான விரிவாக்க விண்ணப்ப பதிவு மீண்டும் தொடங்கியுள்ளது. இதனை பொதுமக்கள் தங்களது வீடுகளிலிருந்தே பெறும் வாய்ப்பு ஏற்படுத்தப்பட்டுள்ளதுடன், மாநிலம் முழுவதும் “உங்களுடன் ஸ்டாலின்” என்ற தலைப்பில் சிறப்பு முகாம்களும் நடைபெற்று வருகின்றன.

தற்போது நகர்ப்புறங்களில் 3,768 இடங்களிலும், கிராமப்புறங்களில் 6,232 இடங்களிலும் இந்த முகாம்கள் நடைபெற்று வருகின்றன. முதலமைச்சர் மு.க.ஸ்டாலின் இந்த முகாம்களை தொடங்கி வைத்தார். இதன் மூலம், மக்கள் நேரில் சென்று தாங்களே விண்ணப்பங்களை பெற்றுத் தக்க ஆவணங்களுடன் பூர்த்தி செய்து சமர்ப்பிக்க முடிகிறது.

வருகின்ற ஜூலை 15ம் தேதி முதல், தன்னார்வலர்கள் மக்களின் வீடுகளுக்கே சென்று இந்த திட்டத்திற்கான விண்ணப்பங்களை வழங்கவுள்ளனர். மக்கள் நேரடியாக முகாம்களில் சென்று பெறத் தவறினால், அவர்கள் வீடுகளிலேயே விண்ணப்பங்களைப் பெற முடியும் என அரசு தெரிவித்துள்ளது.

அதன்பின் விண்ணப்பங்கள் 45 நாட்களுக்குள் பரிசீலனைக்குப் பூர்த்தி செய்யப்படும் என அதிகாரிகள் தெரிவித்துள்ளனர். தமிழகத்தில் உள்ள 106 முகாம்கள் மூலம் 29 மாவட்டங்களில் வசித்து வரும் 19,487 இலங்கைத் தமிழர்களுக்கும் இந்த திட்டம் விரிவாக்கம் செய்யப்பட்டுள்ளது. இதற்கான வழிகாட்டு நெறிமுறைகள் தனித்தனியாக வெளியிடப்பட்டுள்ளன.

அரசு தற்போது வெளியிட்டுள்ள புதிய விதிமுறைகளின்படி, அரசு ஊழியர்கள், நேரடி அரசு ஓய்வூதியம் பெறுபவர்கள், மக்களால் தேர்வு செய்யப்பட்ட ஆட்சி பதவியில் இருப்பவர்கள், மாநகராட்சி, நகராட்சி அலுவலகங்களில் பணிபுரிபவர்களுக்கு இந்தத் திட்டத்தின் பயன் கிடைக்காது.

இந்த திட்டத்தின் நோக்கம், சமூகத்தில் பொருளாதார ரீதியாக பின்தங்கிய பெண்களுக்கு மாதம் ரூ.1,000 நேரடி நிதி உதவியாக வழங்குவது. அரசு கூறியதாவது, “தகுதியானவர்கள் தவற விடப்படாமல் இருக்க புதிய விதிவிலக்குகள் சேர்க்கப்பட்டுள்ளன. இது திட்டத்தின் நோக்கத்தை சிறப்பாக நிறைவேற்றும்.”

மக்கள் செய்ய வேண்டியது என்ன?

* முகாம்களை அணுகி விண்ணப்பங்களைப் பெறலாம்.

* தன்னார்வலர்கள் உங்கள் வீடு வந்தால், விண்ணப்பத்தை பெற்றுக் கொள்ளவும்.

* தகுதியை உறுதி செய்ய விரிவாக பட்டியலை சரிபார்க்கவும்.

* அனைத்து தேவையான ஆவணங்களுடன் நவம்பர் 30க்குள் விண்ணப்பிக்கவும்.

Read more: நள்ளிரவில் கோரம்.. லாரி பள்ளத்தில் கவிழ்ந்து 9 விவசாயிகள் பலி..!!