உலகையே திரும்பி பார்க்கவைத்த இந்தியாவின் ‘ஆப்ரேஷன் சிந்தூர்’ லோகோவை வடிவமைத்தவர்கள் குறித்த விவரங்கள் இந்திய ராணுவம் வெளியிட்டுள்ளது.
கடந்த ஏப்ரல் 22 அன்று பஹல்காமில் நடத்தப்பட்ட பயங்கரவாத தாக்குதில் 25 சுற்றுலாப் பயணிகளும் ஒரு உள்ளூர் வழிகாட்டியும் கொடூரமாகக் கொல்லப்பட்டனர். இதற்கு பதிலடியாக மே 7 ஆம் தேதி ஆப்ரேஷன் சிந்தூர் நடவடிக்கை தொடங்கப்பட்டது. இதனை தொடர்ந்து பாகிஸ்தான் மீது இந்தியா துல்லியமான தாக்குதல்களை நடத்தியது. பாகிஸ்தான் மற்றும் பாகிஸ்தான் ஆக்கிரமிப்பு காஷ்மீரில் ஒன்பது பயங்கரவாத முகாம்களை இந்தியா துல்லியமான தாக்குதல்கள் மூலம் அழித்தது. 100க்கும் மேற்பட்ட பயங்கரவாதிகள் கொல்லப்பட்டனர். 60க்கும் மேற்பட்ட பாகிஸ்தான் ராணுவ வீரர்களும் பலியாகினர்.
இந்தநிலையில், பயங்கரவாதத்திற்கு எதிரான இந்தியாவின் இராணுவ நடவடிக்கையின் எளிமையான ஆனால் சக்திவாய்ந்த சின்னம் அனைவரின் மனதிலும் பதிந்துள்ளது. நாடு முழுவதும் மில்லியன் கணக்கான மக்களின் கற்பனையைக் கவர்ந்த, புகழ்பெற்ற ஆபரேஷன் சிந்தூர் லோகோவை வடிவமைத்தவர்கள் குறித்த விவரங்களை இந்திய ராணுவம் வெளியிட்டுள்ளது. அதாவது, ‘ஆபரேஷன் சிந்தூர்’ லோகோவை வடிவமைத்தது லெப்டினன்ட் கர்னல் ஹர்ஷ் குப்தா மற்றும் ஹவில்தார் சுரீந்தர் சிங் என்று இந்திய ராணுவம் தெரிவித்துள்ளது.
சிந்தூர் வார்த்தையில் உள்ள இரண்டாவது ‘ஓ’ ஒரு பாரம்பரிய குங்குமப்பூ கிண்ணத்துடன் வடிவமைக்கப்பட்டுள்ளது – திருமணமான இந்து பெண்களின் புனித சின்னம் – அதன் அடர் சிவப்பு நிறம் தியாகம், நீதி மற்றும் தேசிய பெருமை பற்றி நிறைய பேசுகிறது. இப்போது சின்னமாக இருக்கும் இந்த படம் கூடுதல் தொடர்பு இயக்குநரகத்தின் சமூக ஊடகப் பிரிவால் உள்நாட்டில் உருவாக்கப்பட்டது என்று ராணுவம் தெரிவித்துள்ளது.
கடந்த மே 7-ந்தேதி, பாகிஸ்தான் மற்றும் பாகிஸ்தான் ஆக்கிரமிப்பு காஷ்மீரில் உள்ள பயங்கரவாத முகாம்கள் மீது இந்திய ராணுவம் தாக்குதல் நடத்திய சிறிது நேரத்தில், நள்ளிரவு 1.51 மணிக்கு இந்திய ராணுவத்தின் ‘எக்ஸ்’ தள பக்கத்தில் இந்த லோகோ வெளியிடப்பட்டது குறிப்பிடத்தக்கது.
