நாடு முழுவதும் சுமார் 8 கோடி EPFO உறுப்பினர்கள் உள்ளனர். பலருக்கு EPF என்பது வெறும் ஓய்வூதிய சேமிப்பு அல்ல.. இது அவர்களின் முதல் மற்றும் நம்பகமான நீண்டகால முதலீடாகும். அரசு கடந்த சில ஆண்டுகளில் உறுப்பினர்களுக்கான சிரமத்தை குறைக்க பல மாற்றங்களை கொண்டு வந்துள்ளது. அவற்றில் முக்கியமானது, வேலை மாறும் போது PF தொகையை மாற்றும் நடைமுறைகளில் செய்யப்பட்ட மாற்றங்களாகும்.
இப்போது, EPFO நேரடியாக PF மாற்ற கோரிக்கைகளை செயல்படுத்துகிறது; பழைய அல்லது புதிய நிறுவனத்தின் ஒப்புதலைப் பெற வேண்டிய அவசியம் பெரும்பாலான வழக்குகளில் இல்லை. இதனால் செயல்முறை வேகமாகவும் குறைந்த புகார்கள் உடனும் நடைபெறுகிறது. EPF மாற்ற விதிகளில் என்ன மாற்றம் வந்துள்ளது? என்று இந்த பதிவில் பார்க்கலாம்..
வேலை மாறும் போது தானாக PF மாறும்
முன்னர், வேலை மாறிய ஊழியர்கள் Form 13 மூலம் கையேடு வழியாக விண்ணப்பித்து, பழைய நிறுவனம் உறுதிசெய்த பிறகே PF மாற்றம் நடக்கும். இந்த செயல்முறைக்கு வாரங்களோ, மாதங்களோ ஆகும். இப்போது, புதிய நிறுவனம் “joining date”-ஐ புதுப்பித்தவுடன், EPFO தானாக PF மாற்றத்தைத் தொடங்கும். ஒரே UAN (Universal Account Number) தொடர்கிறது.. புதிய எண் தேவையில்லை. இதனால் பணியாளர் தாமதங்கள் மற்றும் ஆவணச் சிக்கல்கள் நீங்குகின்றன.
ஒரு ஊழியருக்கு ஒரு UAN மட்டும்
முன்னரே இது விதியாக இருந்தாலும், தவறான பதிவுகள் காரணமாக பலர் பல UAN பெற்றிருந்தனர். இப்போது, EPFO புதிய UAN உருவாக்கத்தை தடுத்துள்ளது.. ஒரு ஊழியருக்கு ஏற்கனவே UAN இருந்தால், புதிதாக உருவாகாது. ஆதார் அடிப்படையிலான சரிபார்ப்பு மூலம் பழைய, புதிய PF கணக்குகள் தானாக இணைக்கப்படும். இதனால் பல UAN இணைப்புச் சிக்கல்கள், தாமதங்கள் நீக்கப்படும் என்று கூறப்படுகிறது..
ஆதார் + e-KYC வழியாக வேகமான சரிபார்ப்பு
முன்பு, வேலையை விட்ட தேதி, கையொப்பம், KYC பிழைகள் போன்றவை காரணமாக கோரிக்கைகள் சிக்கி விடும். இப்போது, EPFO ஆதார் e-Sign, auto-KYC, மற்றும் employer HRMS இணைப்பு API மூலம் சரிபார்ப்பு செயல்முறை வேகமாக்கப்பட்டுள்ளது. முன்பு 30–45 நாட்கள் எடுத்த கோரிக்கைகள் இப்போது 7–10 நாட்களுக்குள் முடிகின்றன.
புதிய பாஸ்புக்கில் இணைந்த இருப்பு
முன்பு, மாற்றம் நடந்ததா என தெரிந்துகொள்ள ஊழியர்கள் பழைய, புதிய பாஸ்புக் ஒப்பிட்டு பார்க்க வேண்டியிருந்தது. இப்போது, மாற்றம் முடிந்தவுடன் பழைய கணக்கில் “Zero balance” என வரும். புதிய பாஸ்புக்கில் முழு தொகையும் ஒரே இடத்தில் காணப்படும்.. கண்காணிக்க எளிதாகும்.
பழைய நிறுவனத்தால் வெளியேறும் தேதி (Exit Date) கட்டாயம்
முன்பு, பல நிறுவனங்கள் வெளியேறும் தேதியைப் புதுப்பிக்காததால் மாற்றம் தாமதமாகும். இப்போது, EPFO இதை கட்டாயமாக்கியுள்ளது. நிறுவனம் அதைச் செய்யாவிட்டால், ஊழியர் ஆதார் OTP மூலம் தானாக தேதியை அறிவிக்கலாம், சிஸ்டம் தானாக அதனை ஒப்புதல் அளிக்கும். இது பழைய நிறுவனத்துடன் தகராறு அல்லது HR பதில் அளிக்காத நிலைகளில் பெரிய நிம்மதி.
6. மாற்றத்தின் போது வட்டி நிற்காது
முன்பு, PF மாற்றம் நீண்டால் பழைய கணக்கில் வட்டி சேர்வது நிறுத்தப்படும். இப்போது, EPFO தெளிவுபடுத்தியுள்ளது.. அதாவது மாற்றம் முழுமையடையும் வரை வட்டி தொடரும். அதாவது, மாற்றம் நடக்கும் காலத்திலும் உங்கள் ஓய்வூதிய நிதி வளர்ச்சி பாதிக்கப்படாது.
இந்த புதிய மாற்றங்கள் EPFO உறுப்பினர்களுக்கு மிகப்பெரிய நிவாரணமாக இருக்கும் என்று எதிர்பார்க்கப்படுகிறது.. வேலை மாறும்போது PF தொகை மாற்றம் இப்போது விரைவாகவும், தானாகவும், சிக்கல் இல்லாமலும் நடைபெறும்.
Read More : மாதம் ரூ.6,000 சேமித்தால் போதும்.. வட்டி மட்டும் ரூ.9 லட்சம் கிடைக்கும்..! செம திட்டம்.. உடனே சேருங்க..
